تاريح • 26 تامىز، 2020

تۇتقىندا قازا تاپقاندار تۋرالى جاڭا دەرەكتەر

37 رەت كورسەتىلدى

«Atamnyn Amanaty» قوعامدىق بىرلەستىگى «ۆوزۆراششەنيە يمەني» حالىق­ارالىق جوباسىنىڭ اياسىندا «سلاۆۋتا» كونتسلاگەرىندە تۇتقىندا قازا بولعان قازاقستاندىق 2000 جاۋىنگەردىڭ تۋىستارىنا ىزدەۋ جۇمىستارىن جۇرگىزىپ جاتىر.

 

اتالعان قوعامدىق بىرلەستىك «ۆوزۆراششەنيە يمەني» حالىقارالىق جوباسىنىڭ قاتىسۋشىسى. جىلدىڭ باسىندا «ۆوزۆراششەنيە يمەني» حا­لىق­ارالىق جوبانىڭ توبى گ.سكۆورتسوۆتىڭ جەتەكشىلىگىمەن جۇرگىزىلگەن جۇمىستار ناتيجەسىندە 20 000 تۇتقىننىڭ اتتارى جازىلعان ءتىزىم تابىلىپ، جاريا ەتىلدى. «سلاۆۋتا» اسكەري تۇتقىندار كونتسلاگەرى سوعىس جىلدارى ۋكراينا اۋماعىندا ورنالاسقان. تۇتقىنداعى دارىگەرلەر مەن جەرتولەدە جۇمىس ىستەگەندەر ناتسيستتەردەن جاسىرىپ لازارەتتە قايتىس بولعانداردىڭ اتتارىن تىزىمگە جازىپ وتىرعان. سو­نىڭ ارقاسىندا ءبىراز جاۋىنگەردىڭ ومىر­لەرىنە قاتىستى دەرەكتەر ساقتالىپ قالعان.

ابحازيالىق اسكەري كۋرسانتتار كوپتەگەن جىلدار بويى ءىز-ءتۇسسىز كەت­كەن جاۋىنگەرلەردىڭ تىزىمىمەن جۇمىس ىستەپ كەلەدى. اتقارىلعان اۋقىم­دى جۇمىستىڭ ناتيجەسىندە ابحا­زيا رەس­پۋبليكاسى قورعانىس مينيستر­لىگىنىڭ مۇراعاتىندا «سلاۆۋ­تا» كونتسلاگەرىندە قازا بولعان قازاق­ستان­دىق 2000 جاۋىنگەر تۋرالى مالىمەتتەر تابىلعان.

قازىرگى تاڭدا «Atamnyn Amanaty» قوعامدىق بىرلەستىگىنىڭ وكىلدەرىنە 150 جاۋىنگەردىڭ مالىمەتتەرى بەرىلدى. قالعان 1850 جاۋىنگەرگە قاتىستى اقپا­رات «ۆوزۆراششەنيە يمەني» جوباسىنىڭ توبىمەن رەتتەستىرىلىپ، جاقىن ارادا جىبەرىلۋى ءتيىس.

«ۆوزۆراششەنيە يمەني» حالىق­ارالىق جوبا اياسىنداعى جۇمىس بارىسىندا وتانداستارىمىزدىڭ تۋىستارىن تابامىز دەگەن ۇمىتتەمىز. سوعىس جىلدارى «سلاۆۋتا» كونتسلاگەرىندە تۇتقىندا بولعان جاۋىنگەرلەردىڭ اتتارى مەن ءومىرباياندارى تاريحتا جانە حالىقتىڭ ەسىندە ماڭگى قالۋى كەرەك. بارلىق وبلىستار مەن مەگاپوليستەردىڭ جەرگىلىكتى اتقارۋشى ورگاندارىن تۇت­قىندا قازا بولعان جاۋىنگەرلەردىڭ تۋىستارىن ىزدەۋ جۇمىستارىنا جار­دەم كورسەتۋگە شاقىرامىز»، دەيدى «AtamnynAmanaty» قوعامدىق بىرلەس­تى­گىنىڭ باسقارما توراعاسى مۇرات مول­داعاليەۆ.

«لاگەردىڭ تاريحى قايعىلى بول­عان­دىقتان، بۇل ءتىزىم بىزگە وڭاي كەلگەن جوق. سوندىقتان باق وكىلدەرى، جاۋىن­گەرلەر شىققان وبلىستار مەن قالا­لارداعى مەشىتتەر مەن پراۆوسلاۆيە شىركەۋلەرى، سونىمەن قاتار قازاق­ستاننىڭ اسكەري كوميسسارياتتارى تۇتقىندا بولعان سولداتتاردىڭ تۋىس­تارىن ىزدەۋ اكتسياسىنا قولداۋ كور­سەتەدى دەگەن ۇمىتتەمىز»، دەيدى «ۆوزۆرا­ششەنيە يمەني» حالىقارالىق جو­باسى­نىڭ جەتەكشىسى گريگوري سك­ۆورتسوۆ.

بارلىق جينالعان اقپارات www.pamyat-naroda.ru سايتىنا ەنگىزىلەدى. قازىرگى تاڭدا بۇل بىرەگەي رەسۋرس­تا بۇرىنعى كسرو-نىڭ قۇرامىندا بولعان رەسپۋبليكالاردان شىققان مايدانگەرلەر تۋرالى اقپارات جي­نال­عان.

ەسكە سالا كەتەيىك، وسىعان دەيىن «ۆوزۆراششەنيە يمەني» حالىقارالىق جوباسىنىڭ قاتىسۋشىلارى بىشكەك قالا­سىنداعى پوليتەحنيكالىق ۋنيۆەر­سيتەتتىڭ ستۋدەنتتەرىمەن بىرلەسە وتىرىپ قازاقستان، وزبەكستان جانە قىر­عىزستان بويىنشا تىزىمدەردى دايىن­داعان.

سوعىستا ءىز-ءتۇسسىز كەتكەن جاقىن­دارىڭىز بولسا، مىنا بايلانىس تەلەفوندارىنا حابارلاسساڭىز بولادى: ( +7 776 828 45 35، +7 776 828 45 34). سايت: www.ata-amanaty.kz

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار