تاراز قالاسىنىڭ تۇرعىندارى اراسىندا ەكى سيمپتوماتيكالىق جاعداي انىقتالدى. وبلىس ورتالىعىندا 39 جاستاعى ايەلگە دەنە قىزۋى كوتەرىلىپ, ەنتىگۋ, جوتەل, السىزدىك شاعىمششدارىنا قاتىستى تەست جاسالدى. 51 جاستاعى ەر ادامدا دا وسىعان ۇقساس بەلگىلەرمەن شاعىمدانعان. ول كوروناۆيرۋسپەن اۋىرعان ناۋقاستارمەن تىعىز بايلانىستا بولعان.
سيمپتوماتيكالىق تاسىمالداۋشىلار ينفەكتسيالىق جانە پروۆيزورلىق اۋرۋحانالاردا ەمدەلۋدە.
ولارمەن بايلانىسقان ادامدار كارانتينگە الىندى. وشاقتاردا قورىتىندى دەزينفەكتسيا جۇرگىزىلدى.
سونداي-اق, وتكەن تاۋلىكتە تاعى 4 سيمپتومسىز جاعداي راستالدى. كوروناۆيرۋس جۋالى اۋدانىنىڭ 73 جانە بايزاق اۋدانىنىڭ 62 جاستاعى زەينەتكەرىنەن انىقتالدى. ولار اۋرۋحاناعا جاتار الدىندا كوروناۆيرۋستىق ينفەكتسيانى انىقتاۋ ماقساتىندا سىناقتان ءوتتى. تاراز قالاسىندا 61 جاستاعى ەر ادام ەڭبەك دەمالىسىنان كەيىن جۇمىسقا بارار الدىندا كاسىبي ماقساتتا تەكسەرىلگەن. ال, جۋالى اۋدانىندا 22 جاستاعى ايەل جۇكتىلىنە بايلانىستى باقىلاۋدان وتكەن. ولاردىڭ بارلىعى ءۇي كارانتينىندە.
اعىمداعى جىلدىڭ 24 تامىزىنداعى جاعداي بويىنشا جامبىل وبلىسىندا كوروناۆيرۋستىق ينفەكتسيانىڭ 4063 جاعدايى تىركەلدى, 3561 ناۋقاس ەمدەلىپ, اۋرۋحانالاردان شىعارىلدى.
