"تۇركىستاننىڭ وسىدان ەكى جىل بۇرىن وبلىس ورتالىعى مارتەبەسىن العان كەزدە بۇكىل تۇركى الەمى قۋاندى. تۇركىستاننىڭ دامۋىنا پرەزيدەنتىمىز دە ەرەكشە ءمان بەرىپ وتىر. ەرتۇرىكتىڭ بەسىگى جالپى تۇركى الەمىنىڭ بەسىگى", – دەدى ول.
وسى كونفەرەنتسيادا حالىقارالىق تۇركى اكادەمياسى جارىققا شىعارعان حالىقارالىق الاش سىيلىعىنىڭ لاۋرەتاتى, جازۋشى مارحابات بايعۇتتىڭ "تۇركىلەر ءتورى تۇركىستان" اتتى كىتابى تانىستىرىلدى. كىتاپتىڭ العىس ءسوزىن دارحان قىدىرالى جازعان. ءال-فارابي, ياساۋي سىندى ادامزات اۋقىمىنداعى الىپتاردىڭ تابانى ءتيىپ, ءىرى رۋحانيات پەن مادەنيەتتىڭ بەسىگى بولعان كيەلى ءوڭىردىڭ تاريحى مەن تاعىلىمىن ارقاۋ ەتكەن قالامگەردىڭ بۇل شىعارماسىن تۇگەل تۇركىنىڭ تورىنە اينالعان كيەلى تۇركىستانعا تاعىلىمدى تارتۋ بولماق.
كىتاپتىڭ قۇندىلىعى, ەلدىڭ, جەردىڭ, تۇركىستاننىڭ قاسيەتىن تانىتۋداعى ماڭىزى تۋرالى تۋرالى حالىقارالىق قازاق-تۇرىك ۋنيۆەرسيتەتىنىڭ پرەزيدەنتى بولاتبەك ءابدىراسىلوۆ, قر جازۋشىلار وداعى باسقارما توراعاسىنىڭ ورىنباسارى باۋىرجان جاقىپ تا اتاپ ءوتتى.
ايتا كەتەيىك, بۇگىن تۇركىستان وبلىستىق قوعامدىق دامۋ باسقارماسىنىڭ قولداۋىمەن, قازاقستان جۋرناليستەر وداعى جانە جازۋشىلار وداعىنىڭ تۇركىستان وبلىستىق فيليالدارىنىڭ بىرلەسە ۇيىمداستىرۋىمەن تۇركىستان قالاسىندا "تۇركىلەر ءتورى تۇركىستان" ونلاين كونفەرەنتسياسى ءوتتى. اتالعان شاراعا ەلىمىزدىڭ تۇكپىر-تۇكپىرىنەن 300-دەن استام ادام ونلاين جۇيەسى ارقىلى قاتىستى.
تۇركىستان وڭىرىندەگى تاريحي ماڭىزى بار قاسيەتتى جەرلەردى ناسيحاتتاۋداعى ادەبي شىعارمالاردىڭ ءرولى, مۇمكىندىكتەرى مەن الەۋەتىن جان-جاقتى تالقىلاۋ, قاستەرلى قۇندىلىقتارىمىزدى كوپشىلىك اۋديتورياعا ادەبي, تاريحي جانە پۋبليتسيستيكالىق تۇرعىدا جەتكىزۋدىڭ تىڭ جولدارىن قاراستىرۋ تاقىرىبىندا وتكەن كونفەرەنتسيا, "الاش" سىيلىعىنىڭ يەگەرى مارحابات بايعۇتتىڭ 75 جىلدىق مەرەيتويىمەن تۇسپا-تۇس كەلدى. ەلىمىزگە بەلگىلى عالىمدار, قالامگەرلەر, سەنات, ءماجىلىس, تۇركىستان وبلىستىق ءماسليحاتىنىڭ دەپۋتاتتارى, وبلىس اكىمىنىڭ ورىنباسارى ساكەن قالقامانوۆ, اۋدان, قالا اكىمدەرى, سونداي-اق, تۇركيا, ءازىربايجان, وزبەكستان ەلدەرىنىڭ جازۋشىلارى, ادەبيەتتانۋشىلارى قاتىسىپ, ءسوز سويلەگەن كونفەرەنتسيادا تۇركىستاننىڭ تاريحىنا, ونىڭ ءمان-ماڭىزىنا قاتىستى قۇندى پىكىرلەر ايتىلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
