2020 جىلدىڭ 25 تامىزىندا 08 ساعات 15 مينۋتتا جاقسىبۇلاق ستانساسىندا (شىعىس قازاقستان وبلىسى, اياگوز اۋدانى) قاتتى جەلدىڭ سالدارىنان ستانسادا تۇرعان جۇك ۆاگوندارى وزدىگىنەن ورىندارىنان قوزعالىپ, كەلىپ قالعان №3471 جۇك پويىزىنا قارسى جىلجي باستاعان. ءسويتىپ, سوقتىعىسىپ قالعان.
سوقتىعىس ناتيجەسىندە 1525 كم لوكوموتيۆ پەن 23 ۆاگون رەلستەن شىعىپ كەتىپ, لوكوموتيۆتەن ءورت شىققان. وپات بولعاندار مەن زارداپ شەككەندەر جوق. وقيعا ورىن العان جەرگە بالقاش, اقتوعاي ستانسالارىنان قالپىنا كەلتىرۋ جانە ءورت ءسوندىرۋ پويىزدارى جونەلتىلدى. وقيعانىڭ سەبەپ-سالدارىن تەكسەرۋ ءۇشىن ارنايى كوميسسيا جولعا شىقتى.
سونىمەن قاتار, وقيعا سالدارىنان "نۇر-سۇلتان نۇرلى جول – دوستىق" قاتىناسىنداعى №54 پويىزدىڭ كەشىگىپ كەلدى. اتالعان پويىز جولاۋشىلارىنىڭ جول ءجۇرۋ قۇجاتتارىندا (بيلەتتەردە) كورسەتىلگەن مەجەلى جەرلەرىنە جەتۋى ءۇشىن اۆتوبۋستارمەن تاسىمالداۋ ۇيىمداستىرىلۋدا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
