تالعات ساتيەۆ 1973 جىلى شىعىس قازاقستان وبلىسىندا دۇنيەگە كەلگەن. سەمەي گەولوگيالىق بارلاۋ تەحنيكۋمىن, ۆ.ي.لەنين اتىنداعى قازاق ۇلتتىق پوليتەحنيكالىق ينستيتۋتىن تامامداعان. ماماندىعى بويىنشا تەحنيك-گەوفيزيك, تاۋ-كەن ينجەنەرى. ەڭبەك جولىن 1992 جىلى سەمەي قالاسىنداعى پوليگونعا قىزمەت كورسەتۋ بويىنشا جۇمىسشى بولىپ باستاعان. سەمەي قالاسىنداعى "شىعىسقازجەرقويناۋى" مەملەكەتتىك مەكەمەسىنىڭ جەر قويناۋىن قورعاۋ جانە پايدالانۋ جونىندەگى سەمەي ينسپەكتسياسىندا ءتۇرلى لاۋازىمدارى اتقارعان.
2013 جىلدان باستاپ 2014 جىل ارالىعىندا وسكەمەن قالاسىنداعى "شىعىسقازجەرقويناۋى" گەولوگيا دەپارتامەنتىنىڭ باسشىسى قىزمەتىندە بولدى. 2014 جىلدان باستاپ 2019 جىل ارالىعىندا ينۆەستيتسيالار جانە دامۋ مينيسترلىگىنىڭ گەولوگيا جانە جەر قويناۋىن پايدالانۋ كوميتەتى توراعاسىنىڭ ورىنباسارى بولىپ جۇمىس ىستەدى. 2019 جىلعى تامىز ايىنان باستاپ قازىرگى ۋاقىتقا دەيىن ەكولوگيا, گەولوگيا جانە تابيعي رەسۋرستار مينيسترلىگىنىڭ گەولوگيا كوميتەتى توراعاسىنىڭ ورىنباسارى قىزمەتىن اتقاردى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
