ەكولوگيا • 21 تامىز، 2020

ستەپنوگورسك قالاسىندا پحد قالدىقتارىن ساقتاۋعا قاتىستى ورتاق شەشىم قابىلداندى

29 رەت كورسەتىلدى

ستەپنوگورسك قالاسىندا قۇرامىندا پوليحلورديفەنيل (پحد) بار قالدىقتاردى ۋاقىتشا ساقتاۋ ماسەلەسىن تالقىلاۋعا ارنالعان ۆەدومستۆوارالىق كوميسسيانىڭ كەڭەيتىلگەن وتىرىسى ءوتتى. وعان قر ەكولوگيا، گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ، اقمولا وبلىسى اكىمىنىڭ ورىنباسارى عالىمجان ابىقالىقوۆ، ستەپنوگورسك قالاسىنىڭ اكىمى ەركەبۇلان باياحمەتوۆ، ستەپنوگورسك قالاسىنىڭ جۇرتشىلىق وكىلدەرى، «جاسىل دامۋ» اق، «ەكوليۋكس-اس» جشس، «وكم وپەراتورى» جشس باسشىلارى جانە قوعامدىق مونيتورينگ توبىنىڭ وكىلدەرى، ەكولوگتار مەن تاۋەلسىز ساراپشىلار قاتىستى، دەپ حابارلايدى Egemen.kz ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتىنە سىلتەمە جاساپ.

ەستەرىڭىزگە سالايىق بالقاش كولىنىڭ ماڭىندا ورنالاسقان كەڭەستىك زامانداعى «داريال-ۋ» راديولوكاتسيالىق ستانتسياسى اۋماعىنان قۇرامىندا پحد قالدىعى بار 6002 كوندەنساتور مەن 3 كونتەينەردى ستەپنوگورسك قالاسىنداعى مامانداندىرىلعان كاسىپورىن قويماسىنا ۋاقىتشا ساقتاۋعا جەتكىزىلگەن بولاتىن.

قالدىقتى قالا اۋماعىندا ساقتاۋ ادام ءومىرى مەن قورشاعان ورتاعا ەش قاۋىپ توندىرمەيتىندىگىن ەكولوگتار مەن تاۋەلسىز ساراپشىلار زەرتتەۋ قورىتىندىلارىندا رەسمي تۇردە جاريالادى. قالدىق سالىنعان كونتەينەرلەر بۇۇ تالاپتارىنا سايكەس سەرتيفيكاتتالعان جانە ونداعى كوندەنساتورلار ءتيىستى ماتەريالدارمەن ساپالى ورالعان. سونىمەن قاتار كونتەينەرلەر ورنالاسقان «ەكوليۋكس-اس» جشس قويماسى حالىقارالىق اكتىلەرمەن بەلگىلەنگەن بارلىق تالاپقا تولىعىمەن ساكەس كەلىپ وتىر.

قۇرامىندا پحد بار قالدىقتار اينالىمى ماسەلەلەرى جونىندەگى ۆەدومستۆوارالىق كوميسسيانىڭ كەڭەيتىلگەن وتىرىسىندا قر ەكولوگيا، گەولوگيا جانە تابيعي رەسۋرستار مينيسترلىگى، ستەپنوگورسك قالاسىنىڭ اكىمدىگى، «جاسىل دامۋ» اق، «ەكوليۋكس-اس» جشس، سونداي-اق ستەپنوگورسك قالاسىنىڭ جۇرتشىلىق وكىلدەرى ىنتىماقتاستىق تۋرالى بىرلەسكەن مەموراندۋمعا قول قويدى. قۇجاتقا سايكەس ۋاكىلەتتى ورگان قۇرامىندا پحد بار قالدىقتاردى ساقتاۋ جۇزەگە اسىرىلاتىن قويما اۋماعىندا قورشاعان ورتاعا مەملەكەتتىك مونيتورينگ جۇرگىزەدى، «ەكوليۋكس-اس» پحد-قالدىقتاردى ۋاقىتشا ساقتاۋ بويىنشا ءوزىنىڭ شارتتىق مىندەتتەمەلەرىن ورىنداۋعا مىندەتتەنەدى.

سونىمەن قاتار، ەكولوگيا، گەولوگيا جانە تابيعي رەسۋرستار مينيسترلىگى ستەپنوگورسك قالاسىنىڭ اكىمدىگىمەن، قالا جۇرتشىلىعىنىڭ وكىلدەرىمەن جانە «جاسىل دامۋ» اق-مەن بىرلەسىپ قاۋىپتى قالدىقتاردى ساقتاۋ، شىعارۋ، جاڭا وبەكتىگە جەتكىزۋ جانە ولاردى قر زاڭناماسىنا سايكەس ورنالاستىرۋ بويىنشا مونيتورينگتى جۇزەگە اسىراتىن بولادى. 

ايتا كەتۋ كەرەك قويماداعى ساقتاۋلى قالدىق قالا حالقىنىڭ دەنساۋلىعىنا جانە قورشاعان ورتاعا ەش زيان تيگىزبەيتىندىگىنىڭ ايعاعى رەتىندە ۆەدومستۆوارالىق كوميسسيا وتىرىسىن پحد قالدىعى ساقتالعان «ەكوليۋكس-اس» قويماسىندا وتكىزدى.

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار