بۇل فاكتور تۇتاستاي العاندا التىندى ساتىپ الۋعا, ونىڭ الەمدىك نارىقتارداعى باعاسىنىڭ وسۋىنە بايلانىستى بولدى. 2019 جىلى باعاسى اسا قىمبات بولماعان التىن باعاسى 2020 جىلى 24,9% -عا ءوستى. ساراپشىلار الەمدىك دەرجاۆالار اراسىنداعى تايتالاستار كەسىرىنەن وسى باعالى مەتال باعاسى بۇكىل دۇنيەجۇزىندە قىمباتتاپ جاتقانىن ايتا باستادى.
Finam.ru سايتىنىڭ حابارلاۋىنشا, ەگەر جىل باسىندا التىن ءبىر تروي ۋنتسياسىنا 1520 دوللاردان ساتىلسا, وندا 12 تامىزدا ول ءبىر ۋنتسيا ءۇشىن 1898,8 دوللار بولدى.
ايتپاقشى, دۇنيەجۇزىلىك التىن كەڭەسىنىڭ مالىمەتى بويىنشا, 2020 جىلدىڭ ماۋسىم ايىنداعى جاعداي بويىنشا التىن قورى بويىنشا العاشقى ءۇش ەلدىڭ قاتارىنا اقش (8133,5 توننا), گەرمانيا (3363,6 توننا) جانە يتاليا (2451,8 توننا) كىرەدى.
قازاقستان التىن قورى بويىنشا ەلدەر رەيتينگىندە 15-ءشى ورىندا تۇر. مۇنان كەيىن وزبەكستان, ساۋد ارابياسى جانە ۇلىبريتانيا تۇر.
سالىستىرۋ ءۇشىن: رەسەي التىن قورى بويىنشا بەسىنشى ورىندا, بەلارۋس 46-شى ورىندا. ءبىزدىڭ ەلىمىزدەگى التىن قورى 377 توننا دەپ باعالانادى, رەسەيدە بۇل كورسەتكىش التى ەسە جوعارى: 2298 توننا. بەلارۋس رەسپۋبليكاسىندا التىننىڭ قورى 49,5 توننادان اسادى.
قازاقستاننىڭ حالىقارالىق رەزەرۆتەرىندەگى ەركىن ايىرباستالاتىن ۆاليۋتاداعى اكتيۆتەردىڭ ۇلەسى جىل باسىنان بەرى 34,8% -دان 32,3% -عا دەيىن تومەندەدى. 2020 جىلعى 1 تامىزداعى جاعداي بويىنشا ۆاليۋتاداعى اكتيۆتەر $ 11,4 ملرد قۇرادى.
ساراپشىلار التىن ءداستۇرلى اقشانىڭ بالاماسى بولماسا دا اقشانى ايىرباستاۋعا قۋاتى جەتەتىنىن ايتىپ جاتىر. دۇنيەجۇزىندە Basel III جاڭا حالىقارالىق بانكتىك ەرەجەلەر التىنعا «100%-عا باعالاناتىن ءبىرىنشى دەڭگەيدەگى اكتيۆ» رەتىندە بەكىتىلدى. بانكتەر وسى ەرەجەگە سايكەس التىندى «اقشا ەكۆيۆالەنتى» رەتىندە ەمەس, «اقشا ءتۇرى» رەتىندە قابىلدايدى. بۇل فاكتور الداعى ۋاقىتتا التىن كەپىلدىگى ءۇشىن بانكتەر بۇرىنعىدان كوبىرەك كرەديت بەرەتىنىن ءبىلدىرءىپ تۇر. ناتيجەسىندە, بانكتەر التىن باعاسىنىڭ تومەندەۋىنە ەمەس, قايتا قىمباتتاۋىنا مۇددەلى ءارى ىنتالى بولادى.
