ەلوردا • 21 تامىز، 2020

ەلوردادا Seedspace Nur-Sultan ستارتاپتار ەنگىزىلەتىن بولادى

20 رەت كورسەتىلدى

بۇگىن Seedspace Nur-Sultan الاڭىندا Seedspace ەكوجۇيەسىنىڭ قاتىسۋشىلارى تسيفرلاندىرۋ جانە مەملەكەتتىك قىزمەتتەر باسقارماسىنىڭ باسشىسى بوتاگوز قاسابەككە، سونداي-اق "استانا Innovations" اق كومپانياسىنا ءوز ستارتاپتارىن ۇسىندى. بۇل تۋرالى ەلوردا اكىمدىگىنىڭ رەسمي سايتىنى سىلتەمە جاساي وتىرىپ Egemen.kz حابارلايدى.

ەلوردانىڭ زياتكەرلىك الەۋەتى ماڭىزدى ستراتەگيالىق رەسۋرس رەتىندە قاراستىرىلادى. ونىڭ ەكونوميكالىق تيىمدىلىگى كوبىنەسە تاۋار اينالىمىنان تۇسەتىن كىرىستەن دە اسىپ تۇسەدى. سوندىقتان ەڭ پەرسپەكتيۆالى ستارتاپتار ءوز جوبالارىن قالا اياسىندا، سونداي-اق اكىمدىكتىڭ قولداۋىمەن سىناپ كورۋگە مۇمكىندىك الادى.
 
ولاردىڭ اراسىندا Infinte Bilim جوباسى. STEM (Science، Technology، Engineering، math) بويىنشا قازاق تىلىندەگى ءبىلىم ونلاين-پلاتفورماسى. پلاتفورما تەوريالىق جانە پراكتيكالىق ءبولىمدى جاڭا فورماتتا وقىپ، ۇلگەرىمىڭىزدى باقىلاپ، ءار ساباقتان كەيىن كەرى بايلانىس الۋعا مۇمكىندىك بەرەدى.

Okoo — باعدارلامالاۋدى وقىتۋدى دارالاۋعا ارنالعان جاساندى ينتەللەكت الگوريتمدەرى بار ونلاين ءبىلىم بەرۋ پلاتفورماسى. ءار ءتۇرلى باعدارلامالاۋ تىلدەرىن ۇيرەتە الاتىن جانە الەمنىڭ كەز كەلگەن نۇكتەسىندە تاۋلىك بويىنا ءار وقۋشىعا جەكە كوزقاراسقا كەپىلدىك بەرە الاتىن ۆيرتۋالدى مۇعالىمى بار پلاتفورما.

Qmobot — مەكتەپتەر مەن ۋنيۆەرسيتەتتەرگە ستۋدەنتتەرگە روبوتوتەحنيكا، ۆەب-ازىرلەمەلەر، اقىلدى ءۇي جانە ينتەرنەت زاتتارى تۋرالى ءبىلىم بەرۋگە مۇمكىندىك بەرەتىن، قازاق جانە ورىس تىلدەرىندە وقىتىلاتىن كۋرستارى بار "بارلىعى ەنگىزىلگەن" ءپرينتسيپى بويىنشا پايدالانۋعا دايىن ءبىلىم روبوتى بولىپ تابىلادى.

InFlux — يننوۆاتسيالىق قالپىنا كەلتىرگىشتەردى (اۋا جەلدەتكىشتەرى) ءوندىرۋ. قۇرىلعى بولمەنىڭ قابىرعاسىنا ورناتىلىپ، كومىرقىشقىل گازىنىڭ مولشەرى جوعارىلاعان سايىن، ول بولمەنىڭ اۋاسىن 60 سەكۋندقا شىعارىپ الادى، سودان كەيىن بولمە ىشىنە سىرتقى اۋانىڭ ەنۋىن قامتاماسىز ەتەدى. اۋا سۇزگىدەن جانە باكتەريتسيدتى تازارتۋدان وتەدى. وسىلايشا، قۇرىلعى تسيكلدىك جۇمىس ءپرينتسيپىن ورىندايدى. بار بولعانى بىرنەشە ۆاتت ەلەكتر قۋاتىن تۇتىنادى.

EGISTIC — اۋىلشارۋاشىلىق تاۋار وندىرۋشىلەرى مەن اۋىلشارۋاشىلىق كەڭەسشىلەرىنە ارنالعان شارۋاشىلىقتى باسقارۋ جۇيەسى. سپۋتنيكتەن الىنعان فەرمەرلىك شارۋاشىلىقتىڭ اۋا-رايى جانە يندەكستەر بويىنشا گەودەرەكتەرىنە سايكەس ءسىز، ەگىستىكتىڭ جاي-كۇيىن تالداپ، ءتۇسىمدى بولجاي الاسىز، سونداي-اق سكاۋتينگ جۇرگىزىپ ءتيىمدى شەشىمدەر قابىلداي الاسىز.

"شىنىندا دا ستارتاپتار يننوۆاتسيانىڭ قوزعاۋشىسى بولىپ تابىلادى. ءبىزدىڭ الدىمىزدا ەكوجۇيەنى ءوسىرۋ جانە جاس، بەلسەندى ادامدارعا ءوز يدەيالارىن جۇزەگە اسىرۋعا كومەكتەسۋ مىندەتى تۇر. تەك ويدىڭ ءوزى بۇكىل بيزنەستى قۇرا الاتىندىعىن كورسەتۋ"، دەپ اتاپ ءوتتى تسيفرلاندىرۋ جانە مەملەكەتتىك قىزمەتتەر باسقارماسى باسشىسى بوتاگوز قاسابەك.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار