الەم • 20 تامىز، 2020

قىتايداعى سۋ تاسقىنى: وزەن سۋى بۋددا مۇسىنىنە جەتتى

314 رەت كورسەتىلدى

يانتسزى وزەنىنىڭ سۋى وڭتۇستىك قىتايداعى سۋ تاسقىنىنا بايلانىستى الەمدەگى ەڭ بيىك مۇسىندەردىڭ ءبىرى - بۋددا مۇسىنىنە جەتتى، دەپ حابارلايدى Egemen.kz CNN-گە سىلتەمە جاساپ.

سوڭعى 10 جىلدا العاش رەت  يانتسزى وزەنىنىڭ سۋى كوتەرىلىپ، ميلليونداعان تۇرعىننىڭ جەرگىلىكتى جەرى مەن ۇيلەرىن قيراتتى. وزەن سۋىنىڭ قاتتى تاسىعانى سونشا، ول بۋددا مۇسىنىنە دەيىن جەتكەن. پوليتسيا جانە باسقا دا قىزمەتكەرلەر ءمۇسىندى كوتەرىلگەن سۋدان قورعايتىن بوگەت جاسادى.

ماۋسىم ايىندا باستالعان بۇل ءزىلزالا سالدارىنان 55 ميلليون ادام زارداپ شەكتى. 2،2 ميلليوننان استام ادام ءوز ۇيلەرىن تاستاپ كەتۋگە ءماجبۇر بولدى. 141 ادام ءىز-ءتۇزسىز جوعالىپ كەتتى. 

ءمۇسىن ورنالاسقان سىچۋان پروۆينتسياسىندا جەرگىلىكتى بيلىك العاش رەت سۋ تاسقىنىنا جاۋاپ بەرۋ دەڭگەيىن ەڭ جوعارى دەڭگەيگە كوتەردى. سۋ تاسقىنى ۇيلەردى باسىپ قانا قويماي، جەرگىلىكتى جولدارعا، فەرمالارعا جانە داقىلدارعا ايتارلىقتاي زيان كەلتىردى. سۋ تاسقىنىنان بولعان بۇل شىعىن 21 ميلليارد دوللارعا باعالاندى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

ۇقساس جاڭالىقتار