مينيستر اتاپ وتكەندەي, ساۋدا مينيسترلىگىنە قاراستى تۇتىنۋشىلاردىڭ قۇقىقتارىن قورعاۋ كوميتەتىنە ازاماتتار ءتۇرلى ماسەلەلەر بويىنشا, سونىڭ ىشىندە توقتاتىلعان اۋە رەيستەرى ءۇشىن اقشانى قايتارۋ ماسەلەسى جونىندە ءجيى شاعىمدانادى.
ء"بىز ازاماتتاردىڭ وتىنىشتەرى نەگىزىندە ءۇش سەريالى تالاپ-ارىز ۇيىمداستىردىق. تۇتىنۋشىلاردىڭ قۇقىقتارىن قورعاۋ كوميتەتى وتىنىشتەر بويىنشا جۇمىس ىستەيدى. وتكەن جىلى ولاردىڭ سانى 8 مىڭعا جەتتى. پاندەميا ۋاقىتىنداعى اۋە رەيستەرىنە قاتىستى شاعىمدار كوپتەپ تۇسە باستادى. ناتيجەسىندە, 990 ازاماتتىڭ ءوتىنىشى سوتتا قاناعاتتاندىرىلىپ 60 ملن تەڭگە قايتارىلىپ بەرىلەتىن بولدى. وسىعان سايكەس سوت پروتسەدۋرالارى جۇرگىزىلىپ جاتىر", دەيدى مينيستر.
بۇدان بولەك, باقىت سۇلتانوۆ تۇتىنۋشىلاردىڭ قۇقىقتارىن قورعاۋ كوميتەتىنە كەلىپ تۇسكەن تاعى 300 ءوتىنىش بويىنشا ۆەدومستۆونىڭ جۇمىس ىستەيتىنىن تولىقتىرىپ ءوتتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
