ەكونوميكا • 18 تامىز، 2020

قازاقستاننىڭ ينۆەستيتسيالىق مۇمكىندىكتەرى يزرايلدىك كومپانيالارعا تانىستىرىلدى

17 رەت كورسەتىلدى

قازاقستاننىڭ يزرايلدەگى ەلشىلىگى، سونداي-اق ء يزرايلدىڭ ەكسپورتتىق ينستيتۋتى جانە «Kazakh Invest» ۇلتتىق كومپانياسى» اق» بىرلەسىپ «قازاقستان-يزرايل ينۆەستيتسيالىق جانە ىسكەرلىك ىنتىماقتاستىعىنىڭ جاڭا كوكجيەكتەرى» اتتى ونلاين-كونفەرەنتسيا وتكىزدى. بۇل تۋرالى Egemen.kzء سىم ءباسپاسوز قىزمەتىنە سىلتەمە جاساپ حابارلايدى.

كونفەرەنتسياعا اۋىل شارۋاشىلىق، جەر قويناۋىن پايدالانۋ، جوعارى تەحنولوگيا سالالارىنداعى 60-تان استام يزرايلدىك كومپانيالار، سونداي-اق حالىقارالىق ينۆەستيتسيالار سالاسىنداعى ماماندار قاتىستى. ولاردىڭ قاتارىندا «Bermad» جانە «Netafim» سۋ كومپانيالارى، «Eurotech Communication» تەلەكوممۋنيكاتسيا كومپانياسى، «Israir» اۆياكومپانياسى، «LR Group» اگروتەحنولوگيالىق كومپانياسى، «Ol Investments» قارجى كومپانياسى جانە ت.ب. بولدى.

ءوز سوزىندە ەلشى ساتىبالدى بۇرشاقوۆ قازاقستان مەن يزرايل اراسىنداعى ساۋدا-ەكونوميكالىق ىنتىماقتاستىقتىڭ نەگىزگى باعىتتارىنا توقتالدى. ەلشى يزرايلدىك كاسىپكەرلەردى ينۆەستيتسيالىق ىنتىماقتاستىقتىڭ الەۋەتىن تيىمدىرەك پايدالانۋعا، سونداي-اق «استانا» حالىقارالىق قارجى ورتالىعى مەن ارنايى ەكونوميكالىق ايماقتاردىڭ شەتەلدىك ينۆەستورلارعا ۇسىنىپ وتىرعان پەرسپەكتيۆتى جوبالارىن جۇزەگە اسىرۋعا قاتىسۋعا شاقىردى.

ەلشىنىڭ پىكىرىنشە، «Israir» اۆياكومپانياسىمەن كەلىسسوزدەر بارىسىندا قول جەتكىزىلگەن تەل-اۆيۆ پەن الماتى اراسىندا تىكەلەي رەيس اشۋ تۋرالى كەلىسىم، سونداي-اق تاراپتاردىڭ قاراستىرۋىندا جاتقان قوسارلانعان سالىق سالۋدى بولدىرماۋ تۋرالى كونۆەنتسيا جوباسىنا قول قويۋ ماسەلەسى، ءسوزسىز، ەكى ەل اراسىنداعى ىسكەرلىك بايلانىستاردىڭ كەڭەيۋىنە ىقپال ەتەتىن بولادى.

بۇعان جاۋاپ رەتىندە، يزرايل ەكسپورت ينستيتۋتىنىڭ توراعاسى اديۆ بارۋح قازاقستاندىق تاراپتىڭ باستامالارىن قۇپتاي وتىرىپ، ءوزى باسقارىپ وتىرعان مەكەمە قازاقستان مەن يزرايل اراسىنداعى  تاۋار اينالىمىن ارتتىرۋعا بار كۇشىن سالاتىنىنا سەندىرىپ، ول ءۇشىن يزرايل كومپانيالارىن قازاقستان ۇسىنعان جوبالاردى زەردەلەۋگە ىنتالاندىرۋعا دايىن ەكەندىگىن جەتكىزدى.

«Kazakh Invest» باسقارما توراعاسىنىڭ ورىنباسارى عالىم وزبەكوۆ كونفەرەنتسيا قاتىسۋشىلارىنا ەلىمىزدىڭ ينۆەستيتسيالىق ارتىقشىلىقتارى تۋرالى ايتىپ بەردى. ول يزرايل كاپيتالىن ىزدەۋ مەن ونى قازاقستانعا تارتۋدىڭ پراكتيكالىق قۇرالدارى تۋرالى، سونداي-اق داعدارىس جانە داعدارىستان كەيىنگى جاعدايلاردا ينۆەستورلارمەن جۇمىس ىستەۋ تەتىكتەرىن قۇرۋ تۋرالى پىكىرىمەن ءبولىستى.

ع. وزبەكوۆ تاريحي تۇرعىدان العاندا ايگىلى جىبەك جولىنىڭ بويىندا ورنالاسقان ەلىمىزدىڭ ەۋروپا مەن ازيا اراسىندا، ونىڭ ىشىندە ەاەو جانە ء«بىر جول، ءبىر بەلدەۋ» باستامالارى اياسىندا ۇلكەن ترانزيتتىك الەۋەتكە يە ەكەندىگىنە نازار اۋداردى.

«Kazakh Invest» وكىلدەرى الەۋەتتى ينۆەستورلاردى قازاقستان ەكونوميكاسىنا كاپيتال جۇمىلدىرۋدى سالالار تۇرعىسىنان ءبولىپ، اتاپ ايتقاندا اۋىل شارۋاشىلىعىنا ينۆەستيتسيالاۋ مۇمكىندىكتەرىمەن جانە جالپى شەتەلدىك ينۆەستورلاردى مەملەكەتتىك قولداۋ شارالارىمەن تانىستىردى. وسىلايشا، ينۆەستيتسيالاردى تارتۋدىڭ تۇبەگەيلى جاڭا تاسىلدەرى انىقتالىپ الىندى – بۇل ءبىرتۇتاس قوسىمشا قۇن تىزبەگىن قالىپتاستىرۋ بويىنشا ينۆەستورلارمەن تىكەلەي جۇمىس. ەكونوميكانىڭ باسىم سالالارىنا سالىناتىن ستراتەگيالىق ينۆەستيتسيالار ءۇشىن جاعدايدىڭ تۇراقتىلىعىن قامتاماسىز ەتەتىن زاڭناماعا تۇزەتۋلەر قالىپتاستىرىلدى.

ۆەبينارعا قاتىسۋشىلار الەمدىك پاندەميا كەسىرىنەن ەنگىزىلگەن شەكتەۋ شارالارى جۋىق ارادا الىپ تاستالىنىپ، ەكى ەلدىڭ بيزنەس-توپتارىنا ىسكەرلىك بەلسەندىلىكتى جاڭادان باستاۋعا مۇمكىندىك بولاتىنىنا ءۇمىت ءبىلدىردى. ءىس-شارا ناتيجەسىندە اۋىل شارۋاشىلىق، كيبەرقاۋىپسىزدىك جانە جەر قويناۋىن پايدالانۋ سالالارىنداعى كومپانيالار ەلىمىزدەگى ينۆەستيتسيالىق جوبالارعا قاتىسۋعا قىزىعۋشىلىق تانىتتى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار