"2020 جىلدىڭ 19 تامىزىندا ساعات 03:00 مەن 17:00 ارالىعىندا جەرسەرىكتىك, تسيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ, جوسپارلى-پروفيلاكتيكالىق جۇمىستار جۇرگىزىلەدى. وسىعان بايلانىستى, قازاقستاننىڭ بارلىق اۋماعىندا تەلەراديوارنالاردى رەترانسلياتسيالاۋ ۋاقىتشا توقتاتىلادى", - دەلىنگەن حابارلامادا.
ايتا كەتەيىك, "قازتەلەراديو" اق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ, جوسپارلى-پروفيلاكتيكالىق جۇمىستار جۇرگىزىپ تۇرادى. بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت, ال توقسان سايىنعى جوسپارلى-پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى, سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا جۇزەگە اسىرىلادى.
