«اتىراۋ وبلىسىنىڭ اۋماعىندا 2020 جىلعى 17 تامىز ساعات 00:00-دەن 31 تامىز ساعات 00.00-گە دەيىن شەكتەۋ شارالارى ۇزارتىلسىن. بەس جاسقا دەيىنگى بالالاردى, قوعامدىق تاماقتانۋ ورىندارىندا تاماقتانۋ جاعدايلارىن, جەكە جانە 5 ادامنان اسپايتىن توپتىق سپورتپەن اينالىساتىن ادامداردى قوسپاعاندا, الەۋمەتتىك قاشىقتىقتى مىندەتتى تۇردە ساقتاي وتىرىپ, قوعامدىق ورىنداردا, قوعامدىق ترانسپورتتا, حالىققا قىزمەت كورسەتۋ جانە دەمالۋعا ارنالعان عيماراتتاردا, اشىق اۋادا مەديتسينالىق نەمەسە ماتا بەتپەردەلەرىن كيۋ مىندەتتى», - دەلىنگەن قاۋلىدا.
قاۋلىعا سايكەس, اتىراۋ وبلىسىنىڭ اۋماعىندا تۇرعىندار مەن اۆتوكولىكتەردىڭ ساعات 23:00-دەن 6:00 ارالىعىندا جۇرۋىنە بولمايدى. سونداي-اق, دۋماندى, اۋقىمدى سپورتتىق شارالار, كورمەلەر, فورۋم, كونفەرەنتسيا, وتباسىلىق, ەسكە الۋ (بانكەت, توي, مەرەيتوي, ساداقا), ونىڭ ىشىندە ۇيدە جانە ادامدار كوپ جينالاتىن وزگە دە شارالاردىڭ وتكىزىلۋىنە, ويىن-ساۋىق ورتالىقتارىنىڭ (بيليارد, كومپيۋتەرلىك كلۋب, كاليان, بۋكمەكەرلىك كەڭسەلەر, تۇنگى كلۋبتار, بوۋلينگ ورتالىقتار, كينوتەاترلار جانە باسقا دا ويىن-ساۋىق مەكەمەلەرىنىڭ), بارلىق مادەني نىساندار (تەاترلار, كونتسەرتتىك زالدار, مۇراجاي, كورمەلەر جانە ت.ب.), فۋدكورت, بانكەت زالدارى, بار, كاراوكە, قوعامدىق جاعاجايلاردىڭ, اكۆاپاركتەردىڭ, باسسەيندەردىڭ قىزمەتىنە تىيىم سالىندى.
