"جوندەۋ ءجۇرىپ جاتقان ءاربىر مەكتەپكە, بالاباقشاعا قاتىستى ماسەلە بار. شاتىرىنان باستاپ جەلدەتۋ جۇيەسىنە دەيىن قاراستىرۋ قاجەت. بۇگىن كەشكىلىك ارالاۋ بارىسىندا بىرقاتار ءبىلىم بەرۋ نىساندا ءجۇرىپ جاتقان جۇمىستاردى قارادىم. №84 مەكتەپ-ليتسەيى ( ۇلى دالا داڭعىلى, 7/1 ) اۆتونومدى جىلىتۋ جۇيەسىنەن ورتالىق جىلىتۋ جۇيەسىنە اۋىستىرىلدى. مەكەمە ديرەكتورىنىڭ ەسەبى بويىنشا, وسى ارقىلى وتىندى 7 ەسەگە ۇنەمدەۋگە بولادى. بۇرىن بۇل مەكتەپكە اۆتونومدى جىلىتۋ قۇنى – 100 ملن تەڭگەدەن استى.
ا. بايتۇرسىنوۆ اتىنداعى № 48 مەكتەپ-ليتسەيىنىڭ (جيرەنتاەۆ كوشەسى, 15/2) قاسبەتى جوندەلىپ, جاڭا جەلدەتۋ جۇيەسى ورناتىلىپ جاتىر. سونداي-اق, ەرەكشە قاجەتتىلىگى بار بالالارعا ارنالعان كوتەرگىش ورناتىلدى.
وقۋ جىلىنىڭ باسىنان باستاپ 1-4 سىنىپ وقۋشىلارى "كەزەكشى توپتاردا" وقيتىنىن ەسكەرە وتىرىپ, مەكتەپتەردە اراقاشىقتىق ساقتاۋ قاجەتتىلىگى تۋرالى جادىنامالار ازىرلەندى. بالالار پارتالارعا شاحمات تارتىبىمەن وتىرادى. بيىل بارلىعى 26 ءبىلىم بەرۋ نىسانىن (مەكتەپتەر, بالاباقشالار, كوللەدجدەر) جوندەيمىز. 12 مەكتەپ سالىپ, پايدالانۋعا بەرەمىز. بۇل 2019 جىلمەن سالىستىرعاندا ەكى ەسە كوپ", - دەپ جازدى التاي كولگىنوۆ.
