قايرات باياندى ۇلى بەگiموۆ 1968 جىلى دۇنيەگە كەلگەن, قاراعاندى قالاسىنىڭ تۋماسى. ەكى جوعارى ءبىلىمى بار: 1992 جىلى قاراعاندى پوليتەحنيكالىق ينستيتۋتىن «ونەركاسىپتىك كولىك ينجەنەرى» جانە 2004 جىلى الماتى ەكونوميكا جانە ستاتيستيكا اكادەمياسىن «قىزمەتكەرلەردى باسقارۋ, ەكونوميست» بىلىكتىلىكتەرى بويىنشا تامامداعان.
ەڭبەك جولىن 1992 جىلى «قاراعاندىكومىر» بىرلەستىگىندە جەكەشەلەندىرۋ جانە تۇرعىن-ءۇي ءبولىمىنىڭ باسشىسى لاۋازىمىندا باستادى. 1993-2006 جىلدار ارالىعىندا قاراعاندى قالاسىنداعى اۋداندار اكىمدەرىنىڭ اپپاراتتارىندا ءتۇرلى لاۋازىمدى قىزمەتتەردە بولدى. «قاراعاندى قالالىق تكش, جولاۋشىلار كولىگى جانە اۆتوموبيل جولدارى ءبولىمى» مم باسشىسى قىزمەتىن اتقاردى. قاراعاندى قالاسىنداعى قازىبەك بي اۋدانى اكىمىنىڭ كوممۋنالدىق ماسەلەلەر جونىندەگى ورىنباسارى بولدى.
قاراعاندى قالاسىنداعى وكتيابر اۋدانىنىڭ اكىمى, قاراعاندى قالاسى اكىمىنىڭ كوممۋنالدىق ماسەلەلەر جونىندەگى ورىنباسارى, قاراعاندى وبلىستىق قۇرىلىس باسقارماسى باسشىسىنىڭ ورىنباسارى بولىپ قىزمەت ەتتى. قاراعاندى وبلىسىنىڭ ەنەرگەتيكا جانە تۇرعىن-ءۇي-كوممۋنالدىق شارۋاشىلىق باسقارماسىن باسقاردى.
2018 جىلدان باستاپ بۇگىنگى تاعايىنداۋعا دەيىن جەزقازعان قالاسىنىڭ اكىمى بولىپ قىزمەت ەتتى.
تەمىرتاۋ قالاسىنىڭ اكىمى عالىم ءاشىموۆ باسقا جۇمىسقا اۋىسۋىنا بايلانىستى اتقارىپ وتىرعان لاۋازىمىنان بوساتىلدى.
