ايماقتار • 14 تامىز، 2020

اتباساردا ماساڭ كۇيدە كولىك باسقارعان تۇرعىن جاۋاپكەرشىلىككە تارتىلدى

15 رەت كورسەتىلدى

الكوگولدى ماساڭ كۇيدە كولىك باسقارعانى ءۇشىن اكىمشىلىك جاۋاپكەرشىلىككە تارتىلدى. بۇل تۋرالى اقمولا وبلىسىنىڭ اتباسار اۋداندىق سوتىنا سىلتەمە جاساي وتىرىپ Egemen.kz حابارلايدى.

اتباسار اۋداندىق سوتىندا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 6-بولىگىمەن (جۇرگىزۋشىنىڭ كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى، سول سياقتى كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ، كولىك قۇرالدارىن باسقارۋ قۇقىعى جوق ادامدار جاساعان ارەكەتتەر) ازامات ز-عا قاتىستى اكىمشىلىك ءىس قارالدى.

سوتتا انىقتالعانداي، ازامات ز. كولىك قۇرالىن جۇرگىزۋ قۇقىعى بولماي، اۆتوكولىگىن الكوگولدى ماساڭ كۇيدە باسقارعان.                                   

سوت قاۋلىسىمەن ازامات ز. اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 20 تاۋلىككە اكىمشىلىك قاماققا الۋ جازاسى تاعايىندالدى.

سوڭعى جاڭالىقتار

ۇقساس جاڭالىقتار