كۇدىكتى سەنىمىنە كىرىپ, الداۋ جولىمەن جابىرلەنۋشىلەردەن 150 ميلليون تەڭگەدەن استام ءىرى كولەمدە اقشا جىمقىرعان.
تامىز ايىنىڭ باسىندا اپب-نا بەس جەرگىلىكتى تۇرعىن ارىزدانىپ كەلەدى. ءجابىر كورۋشىنىڭ ءبىرى 2019 جىلدىڭ اقپان ايى مەن 2020 جىلدىڭ شىلدە ايلارى ارالىعىندا سىرتتاي تانىسى قوستانايدان اسىل تۇقىمدى سيىرلار اكەلىپ بەرەمىن دەگەن سىلتاۋمەن 77 ميلليون تەڭگەسىن الاياقتىقپەن الداپ العاندىعى تۋرالى شاعىمدانعان.
ال كەلەسى جابىرلەنۋشى بولسا, كۇدىكتى ادام سولتۇستىك قازاقستاننان جىلقىلار الىپ كەلىپ بەرەمىن دەپ, 2,4 ميلليون تەڭگەسىن جىمقىرىپ, ۋادەسىن ورىنداماي كەتكەندىگىن حابارلادى. ءۇشىنشى جابىرلەنۋشىدەن 10 ميلليون السا, ەندى بىرىنەن 200 باس جىلقى ءۇشىن 77 ميلليون, سوڭعىسىنان سەگىز ميلليونعا جۋىق اقشا العان.
وسىلايشا كۇدىكتى جابىرلەنۋشىلەرگە بەرگەن ۋادەسىن ورىنداماي, نە اقشاسىن قايتارماي ۋاقىت سوزىپ ءجۇرىپ العان. اتالعان جايتتار سايرام اۋداندىق پوليتسياسىمەن تىركەلىپ, ياعني قر قك–نىڭ 190-بابى (الاياقتىق) بويىنشا ەنگىزىلدى. سايرامدىق پوليتسەيلەر كۇدىكتى ۇستاۋ ماقساتىندا جابىرلەنۋشىلەردەن جاۋاپ الىپ, جەدەل-ىزدەستىرۋ شارالارىنا كىرىستى.
ناتيجەسىندە, كۇدىكتى رەتىندە جەرگىلىكتى تۇرعىن, جىگىتتى ۇستادى. تەرگەپ-تەكسەرۋ بارىسىندا قولعا تۇسكەن كۇدىكتىنىڭ الاياقتىقتىڭ بەس جايتىنا قاتىستىلىعى جانە جابىرلەنۋشىلەرگە 170 ميلليون تەڭگەدەن استام شىعىن كەلتىرگەندىگى ايقىندالدى.
كۇدىكتى العان اقشالاردى قاجەتتىلىگىنە جاراتىپ جىبەرگەن. ءوز كىناسىن تولىق مويىنداپ وتىر. قازىرگى تاڭدا پوليتسەيلەر كۇدىكتىنىڭ وسىعان ۇقساس باسقا دا قىلمىستارعا قاتىستىلىعىن انىقتاۋدا. قاماۋعا الىندى. سوتقا دەيىنگى تەرگەۋ امالدارى جۇرگىزىلۋدە.
