تەحنولوگيا • 14 تامىز، 2020

ەلىمىزدە جىل باسىنان بەرى مىڭنان استام ستيحيالىق قوقىس ءۇيىندىسى انىقتالدى

8 رەت كورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى عارىشتىق مونيتورينگ جۇرگىزىپ، ناتيجەسىندە بىرىنشى جارتىجىلدىقتا ستيحيالىق قوقىس ۇيىلگەن 1114 ورىندى انىقتادى. بۇل تۋرالى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.

عارىش مونيتورينگى مينيسترلىك قىزمەتى باعىتتارىنىڭ ءبىرى جانە ول مەملەكەتتىك ورگانداردىڭ تالداۋ جاساۋىنا جانە ءوز سالاسى بويىنشا  مىندەتتەرىن شەشۋىنە مۇمكىندىك بەرەدى.

وسى جۇمىستىڭ ناتيجەسىندە جىل باستالعالى 12 گەوسەرۆيس جۇمىسى وزەكتى ەتىلدى، 3،5 مىڭ بىرلىك نەمەسە 1،5 ملن شارشى كم تۇنىقتىعى جوعارى عارىش تۇسىرىلىمدەرى ۇسىنىلدى. سونداي-اق، ورتاشا اجىراتىمدىلىقتاعى سۋرەتتەر بار، ولاردىڭ سانى 75 بىرلىك نەمەسە 440 مىڭ شارشى كم. اسادى.

عارىش مونيتورينگىنىڭ ناتيجەلەرى مەملەكەتتىك ورگانداردىڭ ءوز جۇمىسىندا قولدانۋى ءۇشىن مامانداندىرىلعان گەوسەرۆيستەرگە جۇكتەلەدى. بۇدان باسقا، دەرەكتەردى ينتەگراتسيالاۋدى ورىنداۋ ءۇشىن جەرگىلىكتى اتقارۋشى ورگانداردىڭ اقپاراتتىق جۇيەلەرىمەن سالىستىرۋ تۇراقتى جۇرگىزىلەدى.

مىسالى، عارىشتىق مونيتورينگ ارقىلى بۇگىندە جالپى اۋدانى 350 مىڭ شارشى كم-دەن استام اۋىل شارۋاشىلىعى القاپتارىنىڭ ءپىشىنى وزەكتەندىرىلدى، شامامەن 19 ملن گەكتار ءداندى داقىلعا ارنالعان ەگىستىك الاڭى انىقتالدى. سونداي-اق، ورمان اعاشىن كەسۋدىڭ 1104 پوليگونى قانشالىقتى زاڭعا ساي جۇمىس ىستەپ جاتقانى تالداندى. عارىش سۋرەتتەرى توتەنشە جاعدايلاردى انىقتاۋعا دا كومەكتەسەدى: 87 مىڭنان استام تەرمالدى نۇكتە بەلگىلى بولدى  جانە 1073 ءورت وقيعاسى تىركەلدى، ورتەنگەن اۋماقتىڭ اۋدانى 650 مىڭ گەكتاردان اسادى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

ۇقساس جاڭالىقتار