كىتاپقا ابايدىڭ 106 ولەڭى مەن 2 ەپيكالىق پوەماسى, سونداي-اق قازاقستان رەسپۋبليكاسىنىڭ پرەزيدەنتى ق.توقاەۆتىڭ «اباي جانە ءححى عاسىرداعى قازاقستان» اتتى ماقالاسى ەنگەن. كىتاپتىڭ اۆتورى – كورەي جازۋشىسى كيم بيونگ حاك.
كيم بيونگ حاك 1992 جىلى قازاقستانعا قونىس اۋدارىپ, الماتى وبلىسىنىڭ ۇشتوبە قالاسىنداعى كورەي ورتالىعىندا جۇمىس ىستەدى. سونىمەن قاتار اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە كورەي تىلىنەن ساباق بەرىپ, «كوريو يلبو» گازەتىنىڭ ءتىلشىسى, الماتىداعى كورەي ءبىلىم بەرۋ ورتالىعىنىڭ ديرەكتورى قىزمەتىن اتقاردى.
2016 جىلى اۆتور كورەيا رەسپۋبليكاسىنا قايتا ورالدى. قازىرگى ۋاقىتتا ول كۆانجۋ قالاسىنداعى تمد كورەيلەرىنىڭ مادەني ورتالىعى جەتەكشىلەرىنىڭ ءبىرى. ول بۇگىندە تمد-داعى كورەيلەر تاريحىن زەرتتەپ ءجۇر.
تاعى ءبىر ايتا كەتەتىن جايت, وڭتۇستىك كورەيادا اباي مەن ءال-فارابي بەينەلەرى باسىلعان ماركالار دا پايدا بولدى. ەلدەگى نەگىزگى پوشتا وپەراتورى «Korea Post» العاش رەت قازاقستان ماركالارىن باسىپ شىعاردى. ماركالاردىڭ ديزاينى اعىلشىن تىلىندە ابايدىڭ 175 جانە ءال-ءفارابيدىڭ 1150 جىلدىعىنىڭ بەلگىلەرىمەن دايەكتى ستيلدە جاسالعان.
