تانىم • 13 تامىز، 2020

شاشتان شاحمات تاسىن جونادى

304 رەت كورسەتىلدى

بالقاش قالاسىندا تۇراتىن نيكولاي ساۆيدوۆتىڭ قولىنان كەلمەيتىنى جوق. ون ساۋساعىنان ونەر تامعان ول ينەنىڭ كوزىنە ميكروسكوپيالىق مۇسىندەردى سىيدىرادى، ادام شاشىنان شاحمات تاستارىنىڭ ءمۇسىنىن جونادى جانە تاۋىق جۇمىرتقاسىنىڭ سىرتىنا تاعالاردى قاعادى.

نيكولاي مۇنداي ونەرگە بالا كە­زىنەن قىزىعۋشىلىق تانىتىپتى. تا­لاپ­تى جاس ءبارىن دە وزدىگىنەن ۇيرەن­گەن.

– باسىندا مەن كىشكەنتاي تاعالار جاساي باستادىم. بىرتە-بىرتە ولاردى كىشىرەيتە بەردىم – ەكى ميلليمەتر، ءبىر... ارينە، ماعان ارنايى قۇرال-جاب­دىق كەرەك بولدى، ول كەزدە تۇگىم دە جوق ەدى. ءتىپتى، وقىپ الاتىن ارنايى كىتاپ تا بولمادى. بارلىعىن قاتەلەسە ءجۇ­رىپ ءوز تاجىريبەم ارقىلى ۇيرەنۋگە تۋرا كەلدى، – دەپ سىر اقتارادى شەبەر.

1

نيكولاي كىپ-كىشكەنتاي تاعالاردى ىستەۋدى ۇيرەنگەننەن كەيىن، جىلقى قى­لى مەن ادامنىڭ ءبىر تال شاشىنا جازۋ جازۋمەن شۇعىلدانعان.

– ءتۇرلى تىلدەردە – قازاق، ورىس جا­نە اعىلشىن تىلدەرىندە ماقال-ما­تەل جازا باستادىم. كىتاپحانادان كى­تاپ­تار الىپ، ناقىل سوزدەر تەردىم. مۇ­نىڭ بارلىعى جاڭا جابدىقتاردى، بوياۋىش­تاردى تالاپ ەتتى. ءبارىن دە ءوزىم­­نىڭ ىستەۋىمە تۋرا كەلدى، سونداي-اق قولدا قانداي ماتەريال بار، سولاردى پاي­دالاندىم، – دەيدى ول.

1

نيكولاي ءبىر كومپوزيتسيانى جاساۋ ءۇشىن ايلار بويى ەڭبەك ەتەتىن كورىنەدى. جۇمىس بارىسىندا ول 150-250 ەسە ۇل­عايتاتىن ميكروسكوپتى پايدالانادى. سونىڭ ارقاسىندا شەبەر ميكروسكوپيالىق ابستراكتىلى مۇسىندەردى جاسايدى جانە ولاردى ينە كوزىنە نەمەسە كوكنار داندەرىنە ورنالاستىرادى. ايتا كەتەتىن ءبىر جايت، نيكولاي ساۆيدوۆ وتىز جىلدان استام شىعارماشىلىق قىز­مەتىندە ونەردەگى جاڭا باعىت – ميكرو­ابستراكتسيونيزمدى پاتەنتتەپ العان.

شەبەردىڭ قولىنان شىققان تاڭداي قاقتىرارلىق دۇنيەلەر قازاقستاننىڭ تۇڭعىش پرەزيدەنتىنىڭ مۇراجايىندا، ماسكەۋدىڭ وستانكينوسىنداعى «عا­جايىپ الاڭ» باعدارلاماسىنىڭ مۇراجايىندا، سونىمەن قاتار رەسەي مەن ۋكراينانىڭ، ەلىمىزدىڭ باسقا دا مۋزەيلەرىندە ساقتاۋلى تۇر.

1

 

قاراعاندى وبلىسى،

بالقاش قالاسى

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار