ايماقتار • 12 تامىز، 2020

الماتىنىڭ ءتورت جاڭا اۋدانىنداعى بارلىق كوشەلەرگە جارىق ورناتىلادى

31 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ "الماتى" تەلەارناسىنىڭ Aكimat Live باعدارلاماسىندا وتكەن تىكەلەي ەفيردە قالا تۇرعىندارىنىڭ سۇراقتارىنا جاۋاپ بەرە كەلىپ، جاڭا ىقشاماۋداندارداعى كوشەلەردى جارىقتاندىرۋ جۇمىستارى تۋرالى مالىمدەدى، دەپ حابارلايدى Egemen.kz

قالادا وتكەن جىلى جارىقتاندىرۋ بويىنشا كەڭ كولەمدى باعدارلاما قولعا الىندى. بىرقاتار زەرتتەۋ جۇمىستارى جۇرگىزىلگەن سوڭ 2024 كوشەدە جارىقتىڭ جوق ەكەنى انىقتالدى. سوندىقتان 2019 جىلى بيۋدجەتتىك قارجى قايتا قارالدى جانە وسى باعدارلامانى ورىنداۋعا جۇمسالدى.

ء"بىز وتكەن جىلى قالانىڭ شەت ايماعىنداعى الاتاۋ، ناۋرىزباي، تۇركسىب، جەتىسۋ اۋداندارىنداعى 329 كوشەگە جارىق جۇرگىزدىك. بيىلعى جىلدىڭ 1 شىلدەسىنەن باستاپ الاتاۋ، جەتىسۋ، ناۋرىزباي، تۇركسىب اۋداندارىندا سىرتقى جارىقتى ورناتۋ بويىنشا جۇمىستار باستالدى. قالاعا وسىدان بىرنەشە جىل بۇرىن قوسىلعان ىقشاماۋداندارعا باسىمدىق بەرىلۋدە. بۇگىنگى كۇنى 157 كوشەدە جارىق بەرۋ جۇمىستارى جۇرۋدە"، دەپ حابارلادى ب.ساعىنتاەۆ جانە ول جارىقتاندىرۋ قانشالىقتى جوعارى بولسا جايلىلىق قانا ەمەس، قالانىڭ قوعامدىق قاۋىپسىزدىك دەڭگەيىنىڭ ارتاتىنىن دا اتاپ ءوتتى.

2020-2021 جىلدار ىشىندە قالانىڭ الاتاۋ، جەتىسۋ، ناۋرىزباي جانە تۇركسىب اۋداندارىنىڭ اۋماقتارىن 100 پايىز جارىقتاندىرۋ بويىنشا جۇمىستاردى اياقتاۋ جوسپارلانعان.

جالپى قالانىڭ بارلىق اۋداندارىنداعى 2024 كوشەگە، ونىڭ ىشىندە الاتاۋ اۋدانىنىنداعى – 413، المالى اۋدانىنداعى – 84، اۋەزوۆ اۋدانىنداعى – 89، بوستاندىق اۋدانىنداعى – 155، جەتىسۋ اۋدانىنداعى – 84، مەدەۋ اۋدانىنداعى – 273، ناۋرىزباي اۋدانىنداعى – 312، تۇركسىب اۋدانىنداعى 614 كوشەگە جارىق جۇرگىزىلەتىن بولادى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار