پ.برۋكمان العاش رەت ابايدىڭ اۋدارماسىمەن بەتپە-بەت كەلىپ, ونىڭ باي ءتىلىن ەرەكشە اتاپ ءوتتى. اۋدارماشى قارا ءسوز ارقىلى قازاق حالقىنىڭ باي مادەنيەتىمەن تانىسۋعا مۇمكىندىك العانىن جانە ۇلى قازاق ويشىلىنىڭ باسقا دا ەڭبەكتەرىن اۋدارۋعا دايىن ەكەنىن ايتتى.
قازاقستاننىڭ يزرايلدەگى ەلشىسى ساتىبالدى بۋرشاكوۆ يزرايلدىك وقىرمانداردى اباي شىعارمالارىمەن – باي قازاق ادەبيەتىنىڭ مۇراسىمەن تانىستىرۋ ءۇشىن زور ۇلەس قوسقان بارلىق قاتىسۋشىلارعا العىسىن ءبىلدىردى.
وسىدان بۇرىن بەلگىلى يزرايلدىك «حاارەتس» گازەتى ءوز بەتتەرىندە قازاقستان پرەزيدەنتى ق.توقاەۆتىڭ جاريالانىمىن پايدالانا وتىرىپ, اباي فەنومەنى تۋرالى ارنايى ماتەريال جاريالادى. قازاقستان ەلشىلىگى جاقىندا ەۆرەي ۋنيۆەرسيتەتىنىڭ باسشىلىعىن ابايدىڭ شىعارماشىلىعىمەن تانىستىردى, ول وسى جىلدىڭ كۇزىندە وقۋ پروتسەسى قالپىنا كەلتىرىلگەننەن كەيىن وسى ۋنيۆەرسيتەت جانىنداعى ترۋمەن ينستيتۋتىندا «قارا سوزدەرىنىڭ» تۇساۋكەسەرى تۋرالى باستامانى قولدادى.
