كوروناۆيرۋستىڭ شاشقا اسەرى بار ما؟

قوعام • 11 تامىز، 2020

كوروناۆيرۋستىڭ شاشقا اسەرى بار ما؟

2205 رەت كورسەتىلدى

كوروناۆيرۋستىق ينفەكتسيانىڭ اۋىر تۇرىمەن اۋىرعان امەريكالىق اكتريسا اليسسا ميلانو اۋرۋدىڭ سالدارى تۋرالى ايتتى، دەپ حابارلايدى Egemen.kz

ايىم ءداۋىت

امەريكانىڭ ايگىلى اكتريساسى جانە ءانشىسى اليسسا دجەين ميلانو – فيب حولليۆەللدىڭ "زاچاروۆاننىە" تەلەحيكاياسىنداعى رولىمەن كوپشىلىككە تانىمال ( 1998-2006 جىلدارى شىققان). ول سونىمەن بىرگە "كتو زدەس بوسس؟" جانە "ليۋبوۆنيتسى" فيلدەرىندە رولدەرىن سومداپ، كورەرمەن كوزايىمىنا اينالىپ ۇلگەردى.

اكتريسا ءوزىنىڭ Instagram-داعى پاراقشاسىندا كوروناۆيرۋستان كەيىن ونىڭ شاشى قالاي ءتۇسىپ كەتكەنىن كورسەتەتىن بەينەمەن ءبولىستى.

"مەن سىزدەرگە COVID-19-دىڭ شاشىڭىزبەن نە ىستەيتىنىن كورسەتكىم كەلەدى. مۇنى بايىپپەن قابىلداڭىزدار"، دەپ جازادى ميلانو.

كەيبىر الەۋمەتتىك جەلى قولدانۋشىلارى دا وسىنداي قيىندىقتاردان زارداپ شەگەتىنىن قوسا كەتتى. "مەن دە شاش ماسەلەسى بار. ول ءۇشىن ءارتۇرلى دارۋمەندەردى قابىلدايمىن، بىراق ەشتەڭە كومەكتەسپەيدى. ءدال وسىنداي جاعداي مەنىڭ دوسىمدا دا بار. ول سونداي-اق ءيىس سەزۋ قابىلەتىن جوعالتىپ، شاشتارى تۇسە باستاعان"، دەيدى پىكىر قالدىرۋشىلار.

Daily Mail كوپتەگەن كلينيكا مەن زەرتتەۋ ناتيجەلەرى COVID-19 بەن شاشتىڭ ءتۇسۋى اراسىنداعى بايلانىسى تۋرالى جازدى. ساراپشىلاردىڭ ايتۋىنشا، ىندەتپەن اۋىرعان ناۋقاستاردىڭ كوپشىلىگى قاتتى فيزيكالىق جانە ەموتسيونالدى سترەسستىڭ سالدارىنان ءبىرشاما سالماق تاستاپ، شاشتىڭ تۇسۋىنە اسەر ەتەتىنىن ايتىپ ءوتتى.

ينديانا ۋنيۆەرسيتەتى مەديتسينالىق مەكتەبىنىڭ دوكتورى ناتالي لامبەرت كوروناۆيرۋسپەن اۋىرعان ناۋقاستار اراسىندا ساۋالداما جۇرگىزدى. ونىڭ ىشىندە 1500-دەن اسا ناۋقاستىڭ 400-ىنەن شاشتىڭ ءتۇسۋى ءجيى بايقالعان.

بۇعان دەيىن اقش-تىڭ ءارتۇرلى زەرتتەۋ ورتالىقتارىنىڭ عالىمدارى كوروناۆيرۋس ادام اعزاسىنا اسەر ەتەدى دەگەن قورىتىندىعا كەلدى جانە ونىڭ اۋىر سالدارى ۇزاق جىلدار بويى اسەر ەتەتىنىن مالىمدەدى.