وقيعا • 11 تامىز، 2020

95 جاسىندا كۋالىك الدى

215 رەت كورسەتىلدى

ورال قالاسىندا تۇراتىن سوعىس ارداگەرى يبات ابدولوۆ اقساقال جاقىندا 95 جاسقا تولدى. «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باتىس قازاقستان وبلىستىق فيليالى قىزمەتكەرلەرى ارداگەردىڭ ۇيىنە بارىپ، جاڭا تولقۇجاتىن تابىس ەتتى.

يبات ابدول ۇلى سوناۋ 1925 جىلى ماۋسىمنىڭ 10-ى كۇنى تايپاق وڭىرىندە دۇنيەگە كەلگەن ەكەن. 1943 جىلى مايدانعا الىنعاندا نەبارى 18-دە بول­عان. ءۇش ايلىق وقۋ-جاتتىعۋ جيىنىنان سوڭ ۋكراين، بەلارۋس مايداندارىنا ءتۇسىپ، كەنيگسبەرگتى، ۆارشاۆا مەن بەرليندى الۋعا قاتىسقان. جاياۋ اسكەر قاتارىندا تانكىگە قارسى زەڭبىرەك ۆزۆودىن باسقارعان يبات ابدولوۆ سول ءبىر قيىن كۇندەردە «ەرلىگى ءۇشىن» مەدالىمەن ماراپاتتالعان ەكەن. سوعىس اياقتالىپ، ەلگە كەلگەن سوڭ سانالى ءومىرىن ۇستازدىق جولعا ارناعان اقساقال تەرەكتى اۋدانى ورتالىعىنداعى ورتا مەكتەپتى 20 جىل باسقارىپتى. «كسرو-نىڭ ەڭبەك سىڭىرگەن مۇعالىمى» اتاعى بار قاريا ءالى تىڭ.

– بۇرىن ادامنىڭ جەكە باسىن انىقتايتىن تولقۇجاتتار ۇزاق جىل­دارعا بەرىلەتىن. بۇگىندە 10 جىل سايى­ن اۋىسىپ تۇرادى. بىراق ءبىز ارداگەر­لەردى، مۇگەدەكتەردى، تاعى دا باسقا ءتيىستى كا­تەگورياعا جاتاتىن ازاماتتاردى اۋرەگە سالماي، ۇيىنە بارىپ تا قىزمەت كورسەتەمىز. جىل باسىنان بەرى ءبىزدىڭ قىزمەتكەرلەر وسىنداي 2 مىڭ­نان اسا ادامنىڭ ۇيىنە بارىپ قىزمەت كورسەتتى. ال يبات اعامىزعا جاڭا كۋالىگىن ەرەكشە قۇرمەتپەن بارىپ تابىس ەتتىك، – دەيدى ازاماتتارعا ارنالعان ۇكىمەت مەملەكەتتىك كورپوراتسياسى باتىس قازاقستان وبلىستىق فيليالىنىڭ PR-مەنەدجەرى ماعزۋرا نۇرمۇحانبەتوۆا.

يبات اقساقال عاسىر جاساسا دا ءالى تىڭ. جاڭا كۋالىگىن جاساقتاپ، ۇيىنە دەيىن اكەلىپ بەرگەن حالىققا قىز­مەت كورسەتۋ ورتالىعىنىڭ قىزمەت­كەرلە­رى­نە ريزا بولىپ، اق باتاسىن جاۋ­دىردى.

 

باتىس قازاقستان وبلىسى

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار