قوعام • 11 تامىز، 2020

ەكپەنى وزدەرىنە سالدىردى

21 رەت كورسەتىلدى

COVID-19-عا قارسى قازاق­ستان­دىق ۆاكتسينانى ازىر­لەۋ­شى جەتى عالىم ۆيرۋسپەن جۇ­مىس ىس­تە­گەن كەزدە قاۋىپسىزدىكتى قام­­تا­ماسىز ەتۋ ءۇشىن ەرىكتى تۇر­دە ۆيرۋسقا قارسى ۆاكتسينا سالدىردى. ۆاكتسينا عىلىم كو­مي­تەتىنىڭ بيو­لو­گيالىق قاۋىپ­سىز­دىك ماسە­لە­لەرى عىلىمي-زەرت­تەۋ ينس­تي­تۋ­تىن­­دا ازىرلەندى.

– عالىمداردىڭ جاعدايى جاقسى، ولار ءوز جۇمىستارىن جالعاستىرۋدا، – دەپ مالىمدەدى بيولوگيالىق قاۋىپ­سىز­دىك ماسەلەلەرى عىلىمي-زەرتتەۋ ينستيتۋتىنىڭ ديرەكتورى كۇنسۇلۋ زاكاريا.

بەلسەندىرىلمەگەن ۆاكتسينانىڭ كلي­نيكاعا دەيىنگى سىناقتارىنىڭ ناتي­جەلەرى دارىلىك زاتتاردى ساراپتاۋ جونىندەگى ۇلتتىق ورتالىققا ساراپتامالىق جۇمىستار جۇرگىزۋ ءۇشىن جىبەرىلدى. ساراپتامالىق جۇ­مىس­تار شامامەن تامىزدىڭ ورتاسىندا اياقتالادى. دەنساۋلىق ساقتاۋ مينيسترلىگىنىڭ رۇقساتىن العاننان كەيىن قىركۇيەك ايىندا الماتى قالا­سىن­داعى كلينيكا بازاسىندا كورو­ناۆيرۋسقا انتيدەنەلەرى جوق 18 جاستان 50 جاسقا دەيىنگى 44 ەرىكتىنىڭ قاتىسۋىمەن كلينيكالىق سىناقتاردىڭ ءبىرىنشى كەزەڭى باستالادى دەپ كۇتىلۋدە. ۆاكتسينا سالعاننان كەيىن ولار 42 كۇن بويى باقىلاۋدا بولادى. قازان ايىنىڭ ورتاسىندا كلينيكالىق سىناقتاردىڭ ەكىنشى كەزەڭىن باستاۋ جوسپارلانىپ وتىر، ول 2020 جىلدىڭ جەلتوقسانىندا اياقتالۋى ءتيىس.

كانديداتتىق ۆاكتسينالاردىڭ كلي­ني­كالىق سىناقتارى وڭ ناتيجە بەرگەن جاعدايدا جامبىل وبلىسى وتار كەنتىندەگى بيولوگيالىق قاۋىپسىزدىك پروبلەمالارى عىلىمي-زەرتتەۋ ينس­تيتۋتى جانىنان سالىنىپ جاتقان بيو­فار­ماتسەۆتيكالىق زاۋىت بازاسىندا قازاقستاندىق ۆاكتسينالار وندىرىلەتىن بولادى. زاۋىت حالىقارالىق ستاندارتقا ساي يممۋنوبيولوگيالىق دارىلىك پرەپاراتتاردى، ونىڭ ىشىندە قازىرگى ۋاقىتتا قازاقستاندىق عالىمدار كلي­ني­كاعا دەيىنگى سىناقتارىمەن اينالىسىپ جاتقان COVID-19-عا قارسى ۆاك­تسينالاردى شىعارادى دەپ جوسپارلانىپ وتىر.

ەسكە سالا كەتسەك، قازاقستاندىق عىلىمي-زەرتتەۋ ينستيتۋتىنىڭ كوروناۆيرۋس ينفەكتسياسىنا قارسى ەكى كانديداتتىق ۆاكتسيناسى دۇنيەجۇزىلىك دەن­ساۋلىق ساقتاۋ ۇيىمىنىڭ تىزىمى­نە ەنگىزىلىپ، كلينيكاعا دەيىنگى سىناق­تار­دان ءساتتى ءوتىپ جاتىر. COVID-19-عا قارسى ەكىنشى ۆاكتسينا ددۇ سايتىندا 31 شىلدەدە كانديدات رەتىندە تىركەلگەن.

عىلىم كوميتەتى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ دەنساۋلىق ساقتاۋ ءۇشىن اسا قاۋىپتى ينفەكتسيالارعا قارسى ۆاكتسينالار ازىرلەۋدەگى جۇ­مىس تاجىريبەسى مول. العاشقى بەلسەن­دى­رىل­مەگەن قازاقستاندىق ۆاكتسينا ددۇ سايتىندا 15 مامىردا تىركەلىپ، بۇگىندە كلينيكاعا دەيىنگى سىناقتاردان ءساتتى وتۋدە.

 

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار