اباي • 10 تامىز، 2020

قىتايدىڭ قازاقستانداعى باس كونسۋلدىعى ابايعا دەگەن ءىلتيپاتىن ءبىلدىردى

19 رەت كورسەتىلدى

بۇل كۇندە ەلىمىزگە ەجەلدەن كورشى قىتاي ەلىنىڭ حالقى اباي قۇنانباەۆ قازاق حالقىنىڭ ۇلى ويشىل اقىنى ەكەندىگىنەن حاباردار. بۇل ەلدە ابايدىڭ اندەرىن ناقىشىنا كەلتىرىپ ورىندايتىن تانىمال انشىلەر دە تابىلادى. قىتاي حالىق رەسپۋبليكاسىندا تۇراتىن قانداستارىمىز دا اقىن شىعارمالارى مەن قارا سوزدەرىن جاقسى بىلەدى، - دەپ حابارلايدى Egemen.kz.

سول سياقتى قازاقستان مەن قىتايدىڭ مادەني-گۋمانيتارلىق قارىم-قاتىناستار سالاسىنداعى ىنتىماقتاستىقتى ۇزدىكسىز دامىتۋعا ۇمتىلعان تالپىسىندا دا ادامزاتتىڭ ورتاق يگىلىگى بولعان اباي شىعارماشىلىعىنىڭ ىزدەرى بار. ءىلىم مەن عىلىمعا، ىزگىلىككە جەتەلەگەن اباي ولەڭدەرى قىتاي تىلىنە دە اۋدارىلعان.

قازىرگى تاڭدا ابايدى كورشى ەل بۇرىنعىدان دا تەرەڭىرەك تانىپ كەلەدى. 2014 جىلى بەيجىڭدەگى چاون ساياباعىندا اباي ەسكەرتكىشى سالتاناتتى تۇردە اشىلعان بولاتىن. جانە سوڭعى جىلدارى قىتايدا اباي وقۋلارى دا ءساتتى جالعاسىن تاۋىپ وتىر. سوندىقتان دا ەكى ەلدىڭ اۋىزبىرشىلىگىنىڭ ارتا تۇسۋىنە اباي مۇراسى دا التىن كوپىر بولىپ وتىر.

ال بۇگىن تۋعانىنا 175 جىل تولاتىن اقىن مەرەيتويىنىڭ قۇرمەتىنە قىتاي حالىق رەسپۋبليكاسىنىڭ قازاقستانداعى باس كونسۋلدىعىنىڭ قىزمەتكەرلەرى اباي ءانىن ورىنداۋ ارقىلى وزدەرىنىڭ قۇرمەتى مەن ءىلتيپاتىن پاش ەتتى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار