اباي • 10 تامىز، 2020

بۇگىن اباي جايلى ءار جىلدارى تۇسىرىلگەن فيلمدەر كەشى وتەدى

18 رەت كورسەتىلدى

10 تامىز كۇنى ۇلى اقىن جانە اعارتۋشىنىڭ مەرەيتويىن تويلاۋ اياسىندا اباي قۇنانباەۆتىڭ ءومىرى جايلى ءارتۇرلى جىلدارى تۇسىرىلگەن فيلمدەر كەشى وتەدى، - دەپ حابارلايدى Egemen.kz.

اقىننىڭ ءومىر تاريحىنا جانە دۇنيەتانىمى مەن شىعارماشىلىق جولىنا اسەر ەتكەن وقيعالارعا شومۋ – كينوكورسەتىلىمنىڭ ماقساتى وسى. بۇل يدەيا كارانتين كەزىندە كەڭ اۋديتورياعا كينوفيلمدەردى كورسەتۋدىڭ مۇمكىن بولعان جالعىز قاۋىپسىز ءتۇرى – اۆتوموبيلدىك كينوتەاتردىڭ اشىلۋىنىڭ ارقاسىندا جۇزەگە اسىرىلدى.

"تيكەتون" كومپانياسىمەن اشىلعان اۆتوموبيلدىك كينوتەاتر قازىردىڭ وزىندە قازاقستاندىق كينەماتوگرافقا بىرنەشە سەانس ارناپ وتىر. ال ەندى مادەنيەت جانە سپورت مينيسترلىگى، ۇلتتىق كينونى قولداۋ مەملەكەتتىك ورتالىعى جانە ش.ايمانوۆ اتىنداعى "قازاقفيلم" كينوستۋدياسىنىڭ قولداۋىمەن اباي قۇنانباەۆتىڭ قۇرمەتىنە ءارتۇرلى جىلدارى تۇسىرىلگەن ەكى ومىرباياندىق كينوكارتينانىڭ اشىق كورسەتىلىمىن وتكىزەدى:

– "اباي ولەڭدەرى" ("پەسني ابايا") – مۇحتار اۋەزوۆتىڭ "اباي جولى" شىعارماسى بويىنشا 1945 جىلى تۇسىرىلگەن رەجيسسەرلەر گريگوري روشال جانە ەفيم اروننىڭ كارتيناسى

– "اباي" – رەجيسسەر ارداق امىرقۇلوۆتىڭ ۇلى اقىننىڭ 150-جىلدىعىنا وراي 1995 جىلى تۇسىرگەن قازاقستاندىق-فرانتسۋزدىق ءوندىرىستى كوركەم ءفيلمى.

كينوتەاتردىڭ جاڭا، ال انىعىن ايتقاندا كوپتەن ۇمىت بولعان اشىق اسپان استىنداعى ەسكى ءپىشىمى ءوز جۇمىسىن "اتاكەنت" كورمە ورتالىعىنىڭ اۋماعىندا باستادى جانە 200 اۆتوكولىككە ەسەپتەلگەن. ويدى جۇزەگە اسىرۋشىلار ءىس جۇزىندە بايلانىسسىز قاتىسۋدى قامتاماسىز ەتتى: بيلەتتى تەك سايتتا عانا ساتىپ الۋعا بولادى، بۇكىل كينوسەانس كەزىندە كورەرمەندەر ءبىر-بىرىنەن ەداۋىر قاشىقتىقتا تۇراقتاعان اۆتوكولىكتەردىڭ ىشىندە وتىرادى. بۇل رەتتە كەلۋشىلەر پوپكورن مەن سۋسىندارعا ونلاين-كينوباردا تاپسىرىس بەرە الادى. دامدەر زاۋىتتىق، اۋا كىرمەيتىن قاپتامادا تىكەلەي اۆتوكولىككە جەتكىزىلەدى. كورەرمەندەردى وراسان زور كينوتەاترلىق ەكران جانە ءار اۆتوكولىككە راديوتولقىن بويىنشا بەرىلەتىن ساپالى دىبىس قارسى الادى.

سونىمەن بىرگە RG Brand Kazakhstan كومپانياسى Pepsi جانە Yeti ساۋدا بەلگىلەرىمەن كينوكورسەتىلىم سەرىكتەسى بولادى، كومپانيا كەلۋشىلەرگە تەگىن سۋسىندار ۇسىنادى.

فيلمدەردىڭ كورسەتىلىمى 20:30-دا جانە 23:00-دە وتەدى. تەگىن كورسەتىلىمدەرگە بيلەتتەردى "تيكەتون" اۆتوكينوتەاترى سايتىندا برونداۋعا بولادى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار