سۋ قويماسىنا ەلىمىزدەگى ەڭ ءبىر تازا وزەننىڭ ءبىرى سىلەتى اعىپ كەلەدى. ال بەستوبە شاتقالى استانادان شامامەن 200 شاقىرىم. ادامدار وسىندا دەمالۋعا كەلگەن تۋريستەر قالدىراتىن قوقىسقا, ولاردىڭ تابيعاتقا تاعىلىقپەن قاراۋىنا, بەلگىلەنبەگەن جەردە شومىلاتىنىنا شاعىم ايتۋدا.
ء"بىز دەمالىپ جاتقاندارمەن اڭگىمە جۇرگىزىپ, قوقىستاردى جينادىق. ەگەر ءبارىمىز بىرگە تارتىپكە كەلتىرۋ شارالارىن قابىلدامايتىن بولساق, ەرتەڭ دەمالاتىن تازا جەر قالمايدى, - دەيدى قر ەگترم ەكولوگيالىق رەتتەۋ جانە باقىلاۋ كوميتەتى توراعاسىنىڭ ورىنباسارى ەرمەك وماروۆ. - تۇرعىنداردىڭ اراسىنداعى ءتۇسىندىرۋ جۇمىسىن قۇرامىندا 1,5 ملن بالا بار "جاس ۇلان" جاستار ۇيىمىنىڭ جاس كومەكشىلەرىنىڭ جاردەمىمەن جۇرگىزەمىز. ءبىزدىڭ تابيعاتتى ايالاۋ تۋرالى ءدارىسىمىزدى ەستىگەن بالالار ۇيگە كەلگەن سوڭ, اتا-انالارىنىڭ دا قورشاعان ورتاعا قامقورلىقپەن قاراۋىن وتىنەدى".
ەكولوگيا مينيسترلىگى كەزەكتى رەت ەل ازاماتتارىن تابيعاتتا دەمالۋدىڭ قاراپايىم قاعيدالارىن ساقتاۋعا, سوڭىنان قوقىس قالدىرماي, الىپ كەتۋگە, قورشاعان ورتاعا زيان كەلتىرمەۋگە شاقىرادى. ايتپەسە مەملەكەت ەكولوگيالىق زاڭنامانى بۇزۋشىلاردى قاتاڭ جازالاۋ شاراسىن قولدانۋعا ءماجبۇر بولماق. سونىمەن قاتار قازاقستاندىقتاردىڭ باسقالاردىڭ دا تابيعاتقا زيان كەلتىرۋلەرىنە بەي-جاي قاراماۋعا, ونداي جاعداي تۋرالى مينيسترلىكتىڭ جەدەل جەلىسىنە حابارلاۋىن وتىنەدى.
ءوز كەزەگىندە, ەكولوگيا مينيسترلىگى ادامدار دەمالاتىن جەرلەرگە, ونىڭ ىشىندە ەرەكشە قورعالاتىن اۋماقتارعا قوعامدىق رەيد جۇرگىزۋدى جالعاستىرا بەرەدى.
