ەكولوگيا • 08 تامىز، 2020

پاۆلوداردا كوبەيتۇزعا ۇقساس كول لاستانۋ ۇستىندە

1016 رەت كورسەتىلدى

ەرتىس ءوڭىرىنىڭ جاستارى كورياكوۆكا كولىنىڭ ماڭايىن كۇل-قوقىستان تازارتتى. تۇزدىكول وبلىس ورتالىعىنان 18 شاقىرىمدا جاتىر. كولدىڭ ءتۇسى جەلدىڭ باعىتىنا قاراي قۇبىلىپ تۇرادى. بۇل تۋرالى 24.kz-كە سىلتەمە جاساي وتىرىپ Egemen.kz حابارلايدى.

اسىرەسە قىزعىلت تۇسكە بويالعان كەيپىن تاماشالاۋعا كەلەتىندەر وتە كوپ. كولدىڭ سۋى تاياز بولعاندىقتان ول جەردە ەشكىم شومىلمايدى. سوعان قاراماستان ماڭايى پلاستيك قۇتىلار مەن باسقا دا تۇرمىستىق قالدىققا تولىپ كەتكەن. وسىلاي جالعاسا بەرسە ەكولوگيالىق اپاتقا ۇشىراۋى ابدەن مۇمكىن. ۆولونتەرلەر مەن "جاسىل ەل" جاستار ەڭبەك جاساعىنىڭ مۇشەلەرى وسىلاي دەدى.

ولار "Taza Pavlodar" ەكولوگيالىق اكتسياسى شەڭبەرىندە ەرتىس جاعالاۋىن، ۋسولكا وزەنىنىڭ بويىن، قۇسقوناق وتكەلىن تازارتۋمەن اينالىسادى. كەزەك تاريحى تەرەڭدە جاتقان كورياكوۆكا كولىنە جەتتى. بۇل جەردە شامامەن ەكى عاسىر بۇرىن تۇز ءوندىرىسى دامىعان. ءونىمدى  تاسىمالداۋ ءۇشىن سالىنعان كوپىردىڭ جۇرناعى ءالى كۇنگە دەيىن ساقتالىپتى. ال گەولوگيالىق بارلاۋ جۇمىستارى تۇزدىڭ مول قورىن انىقتادى.   

رۋسلانا سامەكوۆا، "جاسىل ەل" قالالىق شتابىنىڭ  كومانديرى: "مەن جەرلەستەرىمە، ونىڭ ىشىندە وسىناۋ عاجايىپ كولدىڭ جانىنا كەلىپ دەمالۋدى ادەتكە اينالدىرعان قالا تۇرعىندارىنا تازالىق ساقتاڭىزدار دەگىم كەلەدى. تابيعاتتىڭ تاماشا سىيىن  ساقتاپ قالۋعا ۇلەسىمىزدى  قوسايىق. ونىڭ جويىلىپ كەتۋىنە جول بەرمەۋىمىز كەرەك"، دەيدى ول.

ال اباي ۋاحيت، وبلىستىق "جاسىل ەل" جاستاردىڭ ەڭبەك جاساقتارىنىڭ باسشىسى: "كارانتينگە بايلانىستى مىنا تۋريستىك ورتالىقتار بارلىعى جابىق. بىراق وسىنداي جەرلەر اشىق بولعاننان كەيىن كوپ كىسىلەر كەلىپ، وكىنىشكە وراي، وسىنداي قوقىستارىن تاستاپ، ەندى ءبىز تۇرعىنداردى، قوناقتاردى بارلىعىن قوقىستاردى تاستاماي، ارتىنان جيناپ، وزىمەن بىرگە الىپ كەتىپ، تابيعاتىمىزدى ايالاپ تازا كۇيىندە ساقتاۋعا شاقىرامىز"، دەيدى.

وسى كاتەگوريا بويىنشا قازاقستاندا كوروناۆيرۋستان جازىلعاندار سانى 71،5 مىڭنان استى شىعىس قازاقستان وبلىسى، تۇعىل اۋىلىندا اقپاي تۇرعان سۋ قۇبىرى "حابار 24" كەلگەن كەزدە جۇمىس ىستەپ كەتتى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار