ايماقتار • 07 تامىز، 2020

الماتىدا جىل قورىتىندىسى بويىنشا تۇرعىن ءۇي قۇرىلىسى 14%-كە وسەدى

656 رەت كورسەتىلدى

الماتى اكىمى ب.ساعىنتاەۆ بۇگىنگى ونلاين-كەزدەسۋ بارىسىندا قۇرىلىس كومپانيالارىنىڭ وكىلدەرىن كاسىبي مەرەكەمەن قۇتتىقتادى.

الماتى ءۇشىن قۇرىلىس سالاسىنىڭ ماڭىزى زور، ويتكەنى قالا ءوسىپ كەلەدى، تۇرعىنداردىڭ سانى ارتىپ وتىر. وسىنىڭ ءبارى تۇرعىن ۇيلەردىڭ، مەكتەپتەردىڭ، اۋرۋحانالاردىڭ، بالا باقشالاردىڭ، قوعامدىق كەڭىستىكتەردىڭ، ءتيىستى ينفراقۇرىلىمداردىڭ سالىنۋىن قاجەت ەتەدى.

قالا اكىمى سوڭعى جىلدار ىشىندە مەگاپوليستە جىل ىشىندە قۇرىلىس كولەمىنىڭ ورتاشا 3-5%-كە تۇراقتى ءوسىپ وتىرعانىن اتاپ ءوتتى. بۇگىنگى كۇنى قالادا تۇرعىن ءۇي مەن ازاماتتىق نىساندار رەتىندە 816 نىسان سالىنۋدا. ولاردىڭ 538-ءى جەكە ينۆەستيتسيا ەسەبىنەن، ال 278 نىسان بيۋدجەت قارجىسىمەن كوتەرىلىپ جاتىر.

ب.ساعىنتاەۆ الدا تۇرعان باستى مىندەتتەردىڭ ءبىرى قالالىقتاردى تۇرعىن ۇيمەن قامتاماسىز ەتۋ ەكەنىن اتاپ ءوتتى. وتكەن جىلى 2،1 ملن شارشى مەتردەن استام تۇرعىن ءۇي پايدالانۋعا بەرىلدى، بۇل 2018 جىلمەن سالىستىرعاندا 4،8%-گە ارتىق.
بيىلعى جىلدىڭ جەتى ايىندا 1،1 ملن شارشى مەتر تۇرعىن ءۇي ىسكە قوسىلدى. جىل اياعىنا دەيىن تاعى 2،4 ملن شارشى مەتر تۇرعىن ءۇي پايدالانۋعا بەرىلەدى، ال بۇل رەكوردتىق كورسەتكىش.

وسىلايشا، 2019 جىلعا ءبىرشاما ءوسىم 14%-ءتى قۇرادى. تاعى 21608 پاتەر سالىناتىن بولادى.

بيىلعى جىلى مەملەكەتتىك «نۇرلى جەر» باعدارلاماسى بويىنشا سالىنعان الەۋمەتتىك تۇرعىن ۇيلەردىڭ قۇرىلىس كولەمى ءتورت ەسە ءوستى. بۇل 289 مىڭ شارشى مەتر تۇرعىن ءۇي سالۋعا مۇمكىندىك بەرەدى، ياعني شامامەن 5 مىڭ پاتەر ىسكە قوسىلادى.

سوڭعى جىلداردا تۇرعىن ءۇي قۇرىلىسىنىڭ قارقىندى ءجۇرۋى بارىسىندا، اسىرەسە جاڭادان سالىنعان ىقشاماۋدانداردا الەۋمەتتىك ينفراقۇرىلىمدار نىساندارىنىڭ تاپشىلىعى بايقالدى. ولار – مەكتەپتەر، بالا باقشالار، ەمحانالار، قوسىمشا ءبىلىم بەرۋ جانە دەمالىس ورىندارى.

بۇل ماسەلەنى شەشۋ ءۇشىن اكىمدىك مەملەكەتتىك-جەكە سەرىكتەستىك تەتىگىن ۇتىمدى پايدالانىپ، جاڭا مەكتەپتەر مەن قوسالقى نىساندار سالۋدى بىردەن قولعا الدى. وسىنىڭ ارقاسىندا 20 مىڭعا جۋىق وقۋشى ورنى اشىلادى، ال بۇل ورىن تاپشىلىعىن 80%-كە ازايتۋعا مۇمكىندىك بەرەدى. سونىمەن قاتار، 1350 ادام كىرە الاتىن يننوۆاتسيالىق شىعارماشىلىق ورتالىقتار سالىناتىن بولادى.

ايتا كەتەرلىگى، بىرقاتار قۇرىلىستى جۇرگىزۋشىلەردىڭ قارجىلىق جەكە باستامالارى بويىنشا الاتاۋ، المالى، ناۋرىزباي جانە تۇركسىب اۋداندارىندا 5700 ورىندى بەس مەكتەپ جانە جەتى بالا باقشا سالۋ جوسپارلانعان.

ب. ساعىنتاەۆتىڭ تاپسىرماسى بويىنشا بۇل جۇمىس ودان ءارى جالعاساتىن بولادى.

الماتى اكىمى قۇرىلىسشىلاردىڭ قالانىڭ ينفراقۇرىلىمىنا قوسقان ۇلەستەرىن دە اتاپ ءوتتى. اعىمداعى جىلى 177 كوشەدە 47،4 شارشى مەتر جولدار سالىنۋدا. ۇزىندىعى 18،6 شاقىرىم بولاتىن 112 كوشە جولدارىنىڭ قۇرىلىسى اياقتالدى. جىل سوڭىنا دەيىن قالعان 65 كوشەدە ۇزىندىعى 28،8 شاقىرىم بولاتىن جول قۇرىلىسىن اياقتاۋ جوسپارلانۋدا.

ۇزىندىعى 200 شاقىرىم بولاتىن 283 كوشەنىڭ ورتاشا جوندەۋ جۇمىستارى جوسپارلانعان. بۇگىنگى كۇنى ۇزىندىعى 62،6 شاقىرىم بولاتىن 91 كوشە جوندەۋدەن ءوتتى، 151 مىڭ شارشى مەتر كولەمىندە اعىمداعى جوندەۋ جانە ۇزىندىعى 19،2 شاقىرىم بولاتىن تروتۋارلاردى سالۋ جۇمىستارى جۇرگىزىلدى. ءۇش جولايرىقتىڭ جانە جالپى ۇزىندىعى 3،1 شاقىرىمدى قۇرايتىن «سارىارقا» جانە «دوستىق» مەترو بەكەتتەرىنىڭ قۇرىلىسى جالعاسۋدا.

اعىمداعى جىلى 126،5 شارشى مەتر سۋمەن قامتيتىن، 121،6 شارشى مەتر سۋدان بولەتىن جەلىلەر سالىنادى، 11 شارشى مەتر جىلۋ جۇيەلەرى، 800 شارشى مەتر ەلەكتر جەلىلەرى، 29،2 شارشى مەتر گاز قۇبىرلارى جوندەلەدى.

ب.ساعىنتاەۆ قۇرىلىسشىلارعا قالانى دامىتۋعا قوسقان ۇلەستەرى ءۇشىن العىس ءبىلدىردى جانە پاندەمياعا بايلانىستى ولاردىڭ كۇردەلى جاعدايدا جۇمىس جاساعاندارىن اتاپ ءوتتى. قيىندىققا قاراماستان قالانىڭ تىنىس-تىرشىلىگىنە قاتىسى بار وزگە دە سالالارمەن بىرگە قۇرىلىسشىلار قارقىندى ەڭبەك ەتتى. قۇرىلىس كومپانيالارى قالا قۇرىلىسىن باقىلاۋ باسقارماسىمەن بىرگە قۇرىلىس الاڭدارىندا سانيتارلىق نورمالاردى ساقتاۋ تۋرالى حاتتاما قابىلداعان بولاتىن، ال بۇل جۇمىس پروتسەسسىن ۇزبەي جۇرگىزۋگە مۇمكىندىك بەردى.

بىرقاتار قۇرىلىس كومپانيالارىنىڭ باسشىلارى «ەڭبەك ءۇشىن» توسبەلگىسىمەن جانە قالا اكىمىنىڭ العىس حاتتارىمەن ماراپاتتالدى.

سوڭعى جاڭالىقتار

انتاليادا اباي ساياباعى اشىلدى

رۋحانيات • بۇگىن، 12:00

اقسايدا سپورت مۋزەيى بار

ايماقتار • بۇگىن، 11:50

ەلىمىزدە تاعى 79 ادام ىندەت جۇقتىردى

كوروناۆيرۋس • بۇگىن، 09:10

تۇراقتى ديالوگتىڭ توركىنى

قوعام • بۇگىن، 08:33

كىندىك شەشە ءھام كىسى مىنەزى

رۋحانيات • بۇگىن، 08:30

ءبىر شاڭىراقتاعى قوس باتىر انا

ايماقتار • بۇگىن، 08:26

مباپپەگە كوز تىگىپ وتىر

فۋتبول • بۇگىن، 08:24

تۇرمەدە وتكەن توي

وقيعا • بۇگىن، 08:21

ءتورت جاسار «پوليتسەي»

ايماقتار • بۇگىن، 08:18

ونەردىڭ ەگىز ءورىمى

ونەر • بۇگىن، 07:58

ابىلاي حاننىڭ قارا جولى

رۋحانيات • بۇگىن، 07:54

كيەلى مەكەن – اقمەشىت

رۋحانيات • بۇگىن، 07:53

ۇقساس جاڭالىقتار