ساياسات • 07 تامىز، 2020

بيزنەستى قولداۋ ماڭىزدى

17 رەت كورسەتىلدى

«اق جول» دەموكراتيالىق پارتياسى بيزنەستى مەملەكەتتىك قولداۋدىڭ وزەكتى ماسەلەلەرى مەن قاجەتتى شارالى تۋرالى رەسپۋبليكالىق ونلاين-كونفەرەنتسيا وتكىزدى.

ءىس-شاراعا پارتيا فيليالدارى مەن وڭىرلەردە ءىس-ساپاردا جۇرگەن فراكتسيا دەپۋتاتتارى، كاسىپكەرلەر، مەملەكەتتىك ورگاندار مەن باق وكىلدەرى قاتىستى. شارا بارىسىندا ءماجىلىس دەپۋتاتى ازات پەرۋاشەۆ ەلدەگى پاندەميامەن كۇرەستە قابىلدانعان شارالاردىڭ جەكە كاسىپكەرلەرگە اسەرىن ايتا كەلە، ەنگىزىلگەن كارانتينگە قاتىستى پىكىرىمەن ءبولىستى. «قازىرگى تاڭدا ەلدە توتەنشە جاعدايدى ەنگىزۋ، كارانتين ءتارتىبىن ۇزارتۋ تۋرالى شەشىمنىڭ ءوزىن-ءوزى اقتاعانىن كورىپ وتىرمىز. بىرنەشە اپتا بۇرىن عانا الەمدەگى جاعدايدان قاراعاندا بىزدەگى احۋال قيىن دەپ قورقا باستاعان ەدىك. كارانتيندى ۇزارتۋ تۋرالى شەشىمدى قولدادىق. بۇل شەشىم دۇرىس بولدى. پرەزيدەنت تە وسىنى تاپسىرعانىن بىلەسىزدەر. ياعني كاسىپورىننىڭ جۇمىسىن شەكتەپ قانا قويماي، ونى رەتتەپ وتىرۋ كەرەك»، دەدى ول.

دەنساۋلىق ساقتاۋ مينيسترلىگىنىڭ مالىمەتىنە سايكەس ەلىمىز ىندەتتىڭ شا­رىقتاۋ شەگىنەن ءوتتى. ا.پەرۋاشەۆ اۋرۋ جۇقتىرۋدىڭ ازايىپ بارا جات­قان­ىن سوڭعى ەسەپتەردەن ءبىلىپ وتىرعا­نى­مىزبەن، ىندەت ءالى دە ازاماتتاردىڭ ومى­رىنە قاۋىپ ءتوندىرىپ تۇرعانىن ايتتى. جاعدايدىڭ ءسال دە بولسا تۇراقتالعانىن ايتقان ول ارقانى كەڭگە سالاتىن كەز ەمەس دەگەن پىكىردە. «پرە­زي­دەنت جاپپاي تىيىمنان گورى كاسىپ­ورىنداردىڭ جۇمىسىن رەتتەۋدى تاپ­سىرعان بولاتىن. الايدا مەملەكەتتىك ورگاندار مەن جاۋاپتى ادامداردىڭ تاراپىنان بۇل تاپسىرما باسقا سيپات الىپ، بيزنەس كوپتەگەن كەدەرگىمەن بەتپە-بەت كەلدى. ونداي شەكتەۋلەردىڭ كەيدە نەگىزى بولماي شىعادى»، دەدى ول.

ونلاين ءىس-شارا بارىسىندا پاندەميا كەزىندە بيزنەسكە مەملەكەت تاراپىنان كورسەتىلەتىن كومەكتىڭ قانشالىقتى ءتيىمدى ەكەنى كوتەرىلدى. قاتىسۋشىلار كاسىپكەرلەرگە نەسيە جەڭىلدىگى سەكىلدى ارنايى قولداۋ، «اتا­مەكەن» كاسىپكەرلەر پالاتاسىمەن بىرلەسكەن جۇمىس، جەرگىلىكتى كاسىپ­كەر­لەر كەزدەسەتىن قيىنداقتار جايلى ايتتى. ءسوز العان جەكە كاسىپكەرلەر ءوز بيزنەسىنىڭ قازىرگى كۇيىن باياندادى. ساراپشىلار مەملەكەت كورسەتىپ جاتقان قولداۋ تۋرالى اقپاراتتىڭ تۇر­عىندارعا جەتپەۋى، كاسىپكەرلەرگە جەتكىلىكتى تۇسىندىرىلمەۋى سەكىلدى ماسە­لەلەردىڭ بارىن جاسىرمادى. جي­نالعان توپ سالانىڭ تۇراقتى دامۋى ەل ەكونوميكاسىنا تىكەلەي اسەر ەتەتىنىن العا تارتىپ، قيىن كەزەڭدە بيزنەس وكىلدەرىنە بارىنشا كومەك كورسەتىلۋى كەرەك ەكەنىن قولدادى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار