نۇرپەيىسوۆتىڭ وردەنى

«سۇراپىل سوعىستى كوردىم. بىراق مايدان شەبىندە بولعانىم جوق. فاشيستەردى دە قىرىپ-جويدىم دەپ ايتا المايمىن. كوبىنە شتابتا جۇمىس ىستەدىم...

– ابە, مەن بىلەتىن دەرەك وزگەشە. ءسىز ۇزاقتان اتاتىن ارتيللەريانىڭ قۇرامىندا بولدىڭىز. ونىڭ وعى ونداعان شاقىرىمعا دەيىن جەتپەي مە؟

– جەتسە جەتەر, بىراق قان­شا ءفاشيستىڭ جويىلعانىن قاي­دان بىلەيىن. كورگەنىم جوق. سون­دىقتان دا ءتۇرلى مايداننان بەرىل­گەن مەدالداردى جيناپ الدىم دا كوزىن جويىپ جىبەردىم. جا­سا­ماعان ەرلىكتى قالاي جاسادىم دەپ كەۋدەمە قاپتاتىپ تاعىپ جۇرەيىن.

تۇسىنىكتى, تۇسىنىكسىز ءابدى­جا­مىل نۇرپەيىسوۆ وسىنداي ادام!»

بەلگىلى جازۋشىنىڭ قانداي ناگرادالاردى جويىپ جىبەرگەنىن كورەيىن دەپ رەسەيدىڭ «1941-1945 جىلدارداعى ۇلى وتان سوعى­سىنداعى حالىق ەرلىگى» ەلەك­تروندىق قۇجاتتار بانكىن اقتار­دىق. سويتسەك, بولاشاق ايگىلى جازۋشى مايدانعا 1942 جىلى شىلدە ايىندا قىزىلوردا وبلىسى ارال اۋدانىنان شاقىرىلىپ, وڭتۇستىك, پريبالتيكا, لەنين­گراد مايداندارىنان وتكەندىگى انىق جازىلىپ تۇر ەكەن. لەي­تەنانت نۇرشايىقوۆ 1945 جىلى 10 مامىر كۇنى 137 زەڭبىرەكتىك ارتيللەريالىق پولك كومانديرى, پودپولكوۆنيك كومراكوۆتىڭ بايا­ناتى بويىنشا مەملەكەتتىك ناگرا­داعا ۇسىنىلعان. ارادا 5 كۇن وتكەندە, ياعني وسىدان ءدال 75 جىل بۇرىن, 1945 جىل­دىڭ 15 مامىرىندا «قىزىل جۇل­دىز» وردەنىمەن ماراپاتتالىپ­تى. ال جاۋىنگەرگە «1941-1945 جىلدارداعى ۇلى وتان سوعى­سىن­دا گەرمانيانى جەڭگەنى ءۇشىن» مەدالى وسىدان 5 كۇن بۇرىن, 9 مامىردا بەرىلگەن بولاتىن.

«قىزىل جۇلدىز» وردەنى بەرىلەردە ۇسىنىلعان ماراپات قاعازىندا: «بولىمدە ارتيل­­لە­­ريا­لىق قارۋ-جاراق­تىڭ ەسە­بىن جۇرگىزگەندە ۇيىمداس­تىرۋ­شىلىق قابىلەتىن كورسەتتى, قۇرالداردىڭ جارامدىلىعىن تىكەلەي ءوزى قادا­عالادى, ءتىپتى اۋىر ۇرىس كەزىندە اتۋ بەكەتىنە ۇزدىكسىز وق-ءدارى جەت­كىزىپ, باتارەيا­لار ءاردايىم قام­تاماسىز ەتىلىپ وتىردى» دەپ جازىلعان ەكەن.

مىنە, ەرلىك ۇمىتىلمايدى دەگەن وسى دا.

باتىس قازاقستان وبلىسى