23 قازان، 2013

ۇرلىق ءتۇبى – قورلىق

239 رەت كورسەتىلدى

1368689814 -kzءۇش تاۋلىك بويى كۇندىز-ءتۇنى جۇرگىزىلگەن «ءىز كەسۋ» جەدەل-ىزدەستىرۋ ءىس-شارالارى شەڭبەرىندە جامبىلدىق پوليتسەيلەر 20 قىلمىسكەردى قۇرىقتادى.

ءۇش تاۋلىك بويى كۇندىز-ءتۇنى جۇرگىزىلگەن «ءىز كەسۋ» جەدەل-ىزدەستىرۋ ءىس-شارالارى شەڭبەرىندە جامبىلدىق پوليتسەيلەر 20 قىلمىسكەردى قۇرىقتادى.

ۇستالعانداردىڭ جەتەۋى رەسەي فەدە­راتسياسى، بەلارۋس جانە وزبەكستان رەسپۋب­ليكالارىنان قاشىپ كەلگەن سابازدار ەكەن. مىسالى، قورداي اۋداندىق ىشكى ىستەر ءبولىمى ءنوۆوسىبىر وبلىسى ءىىب ۇرلىعى ءۇشىن ىزدەۋ جاريالاعان قىلمىسكەردى قولعا تۇسىرسە، تالاس اۋداندىق ىشكى ىستەر ءبولىمى بەلارۋس رەسپۋبليكاسىنىڭ گومەل وبلىستىق اتقارۋ كوميتەتىنىڭ ىشكى ىستەر باسقارماسى الاياقتىعى ءۇشىن ىزدەۋ جاريالاعان ازاماتتى قۇرىقتادى. ال تاراز قالالىق ىشكى ىستەر ءبولىمى سۆەردلوۆ وبلىسى ءىىب ۇرلىعى ءۇشىن ىزدەۋ جاريالاعان قىلمىسكەردى تۇتقىنداپ وتىر.

سونداي-اق، ەلىمىزدىڭ ەكسترەميزمگە قارسى كۇرەس باسقارماسى قىزمەتكەرلەرى مەن قىرعىزستان رەسپۋبليكاسى بىشكەك قالاسىنىڭ ءىىب ۇرلىعى ءۇشىن ىزدەۋ سالعان ادام دا تۇزاققا ءتۇستى. جامبىل وبلىسى بويىنشا اۋىر قىلمىس جاساعان س. دەگەن كۇدىكتى قاماققا الىنسا، قىزىلوردا وبلىسى ءىىد ۇرلىعى ءۇشىن ىزدەۋ سالعان قىلمىسكەر ءىزىن جاسىرا المادى.

 

شەكارا باستىعى پارامەن ۇستالدى

جامبىل وبلىسىنىڭ قارجى پوليتسياسى دەپارتامەنتى شەكارا زاستاۆاسىنىڭ باستىعىنا قاتىستى پارا الۋ دەرەگى بو­يىن­شا قىلمىستىق ءىس قوزعادى.

اتاپ ايتساق، قورداي اۋدا­نىنداعى «قاراسۋ» شەكارا زاس­تاۆاسىنىڭ باستىعى س. جەكە باس پايداسى ماق­ساتىندا ەل اۋماعىنان قىرعىز رەسپۋبليكاسىنا حالىق تۇتىناتىن تاۋارلاردى كەدەرگىسىز وتكىزۋ ءۇشىن پارا العان. جەمقور باستىقتىڭ قارجى پوليتسياسىنىڭ قولىنا تۇسۋىنە جەكە كاسىپكەردىڭ دە كومەگى بولعان. ول قورداي اۋدا­نىنداعى «قاراسۋ» شەكارا زاستاۆاسىنىڭ باستىعىنىڭ وزىنەن پارا تالاپ ەتكەنى تۋرالى ءتيىستى ورىندارعا ارىز تۇسىرگەن. قازىر س.-نىڭ 2 مىڭ اقش دوللار كولەمىندە پارا العانى انىقتالىپ، اتالعان قىلمىستىق ءىس بويىنشا تەرگەۋ امالدارى جۇرگىزىلۋدە.

كوسەمالى ساتتىباي ۇلى،

«ەگەمەن قازاقستان».

جامبىل وبلىسى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار