قازاقستان • 06 تامىز، 2020

باس پروكۋراتۋرا Damumed-ءتى تەكسەرەدى

42 رەت كورسەتىلدى

قازاقستان قاۋىپسىزدىك كەڭەسى حاتشىلىعىنىڭ مەڭگەرۋشىسى ەرلان بايتۇقباەۆ ەلىمىزدىڭ باس پروكۋراتۋراسى Damumed جۇيەسىندە ىقتيمال بۇرمالاۋعا قاتىستى تەكسەرۋدى باستايتىنىن ايتتى، دەپ حابارلايدى Egemen.kz

"ازاماتتاردى مەديتسينالىق تەكسەرۋ جانە ەمدەۋ بويىنشا دەرەكتەردى بۇرمالاۋ مۇمكىندىگى تۋرالى ماسەلەلەر، ەندى قاۋىپسىزدىك كەڭەسى اپپاراتىنىڭ باقىلاۋىندا.

پرەزيدەنتتىڭ كومەكشىسى، قاۋىپسىزدىك كەڭەسىنىڭ حاتشىسى اسەت يسەكەشەۆ باس پروكۋراتۋراعا 28 تامىزعا دەيىن تەكسەرۋ جۇرگىزۋدى جانە كەلىپ تۇسكەن اقپارات راستالعان جاعدايدا پروكۋرورلىق دەن قويۋ شارالارىن قابىلداۋدى تاپسىردى. تەكسەرۋ ناتيجەلەرى تۋرالى قوسىمشا حابارلانادى"، دەدى ەرلان بايتۇقباەۆ.

بۇعان دەيىن DamuMed-تەن جارتى جىلدا 75،5 ميلليون تەڭگەگە جۋىق سوماعا 11 607 تىركەلىم تابىلعانى حابارلانعان بولاتىن. اتالعان مونيتورينگتى الەۋمەتتىك مەديتسينالىق ساقتاندىرۋ قورىنىڭ ماماندارى جۇرگىزدى.

سونىمەن قاتار جەلى قولدانۋشىلارى ءالى دە دارىگەرلەرگە بارماعان ساپارلارى كورسەتىلگەن قوسىمشادان سكرينشوتتاردى شىعارادى. كوپتەگەن تۇرعىن اۋرۋحانالارعا "بارعانىن" جانە سىناقتاردى "تاپسىرعانىن" كەزدەيسوق بىلەدى.

سونىمەن قاتار ءماجىلىس توراعاسىنىڭ ورىنباسارى ۆلاديمير بوجكو الەۋمەتتىك جەلىلەردە Damumed قوسىمشاسىنداعى دارىگەرلەردىڭ "جوق قابىلداۋلارىنا" قاتىستى نارازىلىق ءبىلدىردى.

سوڭعى جاڭالىقتار

ۇقساس جاڭالىقتار