ويتكەنى, كارانتين كەزىندەگى شاعىن جانە ورتا بيزنەستى دامىتۋ ماسەلەسى وزەكتى سۇراقتاردىڭ ءبىرى. وسى ورايدا وڭىردەگى كاسىپكەرلەردى قولداۋ شارالارى نىعايتۋ ماقساتىندا دەپۋتات تۇيىتكىلدى ماسەلەلەردى تالقىلادى.
وڭىرلىك كاسىپكەرلەر پالاتاسىنىڭ ۇيىمداستىرۋىمەن كارانتيندە زارداپ شەككەن شاعىن بيزنەس يەلەرى اراسىندا ساۋالناما جۇرگىزىلۋدە. ونىڭ قازىرگى ناتيجەسى بويىنشا كاسىپكەرلەر نەسيەلەردى شەگەرۋ, سالىق مىندەتتەمەلەرىن تولەۋ, ءوندىرىس اۋقىمىن ازايتۋ, شيكىزات قۇنىنىڭ ءوسۋى, 42500 الەۋمەتتىك تولەم الۋ, كوممۋنالدىق جانە عيماراتتاردى جالعا الۋ تولەمدەرى سىندى بىرقاتار ماسەلەلەر انىقتالدى. دەپۋتاتقا بيزنەس سالاسىنىڭ 37 ءتۇرى بويىنشا 1200 ورتا جانە شاعىن بيزنەس نىساندارى جۇمىسىن توقتاتقانى تۋرالى ايتىلدى.
سونىڭ سالدارىنان 2 مىڭعا جۋىق ادام جۇمىسسىز قالدى. وبلىستا ورتا ەسەپپەن ءوندىرىس كولەمى 18% كەمىدى. كارانتين سالدارىنان ازىق-ت ۇلىك ەمەس نىساندار: 40 ساۋدا ورتالىعى مەن 32 بازار, قوعامدىق تاماقتانۋمەن اينالىساتىن 380 مەيرامحانا مەن ءدامحانا, 45 كولىك كومپانياسى, 24 سۇلۋلىق سالونى, 39 مونشا مەن ساۋنالاردىڭ جۇمىستارى توقتادى. ودان ءارى حالىق قالاۋلىسى بىرقاتار كاسىپورىننىڭ جۇمىستارىمەن تانىسىپ, اقتاۋداعى بىرقاتار ءدارىحانانى ارالادى.
