قوعام • 06 تامىز، 2020

الماتىداعى حقو-دا قۇقىق قورعاۋ ورگاندارىمەن بىرلەسكەن شارا ءوتتى

52 رەت كورسەتىلدى

"ازاماتتارعا ارنالعان ۇكىمەت" مەملەكەتتىك كورپوراتسياسىنىڭ الماتى قالالىق فيليالى مامانداندىرىلعان حقو اۋماعىنداعى زاڭسىز ارەكەتتىڭ جولىن كەسۋ ءۇشىن قۇقىق قورعاۋ ورگاندارىمەن بىرلەسىپ الدىن الۋ شارالارىن جۇرگىزدى، - دەپ حابارلايدى Egemen.kz.

ءىس-شاراعا "ازاماتتارعا ارنالعان ۇكىمەت" مەملەكەتتىك كورپوراتسياسى الماتى قالاسى فيليالىنىڭ باسشىلىعى، قاۋىپسىزدىك جونىندەگى وكىل، پوليتسيا قىزمەتكەرلەرى جانە سوبر جاۋىنگەرلەرى قاتىستى.

شارا ۇيىمداستىرۋشىلارى اۆتوكولىك يەلەرىن مامانداندىرىلعان حالىققا قىزمەت كورسەتۋ ورتالىقتارىنىڭ اۋماعىندا ءوز قىزمەتتەرىن ۇسىناتىن دەلدالدارعا سەنبەۋگە شاقىردى.

جاسىراتىنى جوق، ولار ءوز قىزمەتتەرىن ماجبۇرلەپ ۇسىنۋمەن قاتار، كەلۋشىلەردىڭ نارازىلىعىن تۋدىرۋدا.

"ازاماتتارعا ارنالعان ۇكىمەت" مەملەكەتتىك كورپوراتسياسىنىڭ الماتى قالاسىنداعى فيليالى قۇقىقبۇزۋشىلىقتى بولدىرماۋ ماقساتىندا قۇقىق قورعاۋ ورگاندارىنىڭ قاتىسۋىمەن جۇيەلى تۇردە وسىنداي ءىس-شارالار وتكىزىپ تۇرادى. انىقتالعان قۇقىق بۇزۋشىلىق فاكتىلەرى بولىپ جاتسا، فيليالدىڭ قاۋىپسىزدىك قىزمەتى ىشكى تەرگەۋ جۇرگىزىپ، كىنالىلەرگە تارتىپتىك جازا قولدانىلادى. بۇگىن دە كەزەكتى رەت حقو اۋماعىندا "دەلدالداردىڭ" زاڭسىز ارەكەتتەرىن بولدىرماۋدىڭ الدىن الۋ شارالارىن جۇرگىزدىك. سونىمەن قاتار كارانتين كەزىندەگى ساقتىق شارالارىن، الەۋمەتتىك قاشىقتىقتى ساقتاۋ جانە بەتپەردە كيۋ قاجەتتىلىگى جايلى تۇسىندىردىك"، - دەيدى فيليال ديرەكتورى دانيار قىرىقباەۆ.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار