حۋدياكوۆ بەسىنشى تامىز كۇنى شولپان-اتا ۋاقىتىمەن 5:15-تە ءجۇزۋدى باستاپ, كادجي-سايا جاعاجايىنا جەتتى. سۋدىڭ تەمپەرتارۋاسى 18-19 گرادۋس, ال جالپى قاشىقتىق 56 شاقىرىم. ىستىقكولدەگى ەڭ تەرەڭ جەر 523 مەتردى قۇراعان. جالپى العاندا, ۆيتالي حۋدياكوۆ ىستىقكولدى 13 ساعات 18 مينۋتتا ءجۇزىپ ءوتتى. اتالعان ۋاقىت پەن قاشىقتىقتى قىرعىزستان ءجۇزۋ فەدەراتسياسىنىڭ وكىلى احمەت انارباەۆ تىركەگەن.
"مۇنداي ناتيجە كورسەتكەنىمە قۋانىشتىمىن. دايىندىق بەكەرگە كەتپەدى. كەلەسى جىلى وتەتىن وليمپيادا ويىندارىندا جانكۇيەرىمدى قۋانتامىن دەگەن ءۇمىت بار", دەيدى حۋدياكوۆ.
سپورتشىنىڭ اكەسى ءارى جەكە باپكەرى ەۆگەني حۋدياكوۆ Olympic.kz سايتىنا سۇحبات بەردى.
"بىلتىر ۆيتالي توكيوداعى وليمپيادا ويىندارىنا جولداما الدىق. ۆيتالي ەكەۋمىز وليمپياداعا ارنالعان ەرەكشە وقيعا دايىنداعىمىز كەلىپ, ىستىقكولدى ءجۇزىپ ءوتۋ كەرەك دەپ شەشتىك. الەمدەگى قازىرگى جاعداي بولماعاندا, وسى كۇنى وليمپيادا ويىندارىندا باق سىناپ جاتار ەدىك. شىنىمدى ايتسام, ءجۇزۋ كەزىندە ءۆيتاليدى ءتورت رەت توقتاتقىم كەلدى. ويتكەنى, ۇلىم ءۇشىن قاتتى ۋايىمدادىم. بىراق ول سوڭىنا دەيىن شىداپ, ەستە قالارلىق ناتيجە تىركەپ وتىر. دايىندىقتى جازدا, قىسقا شاقىرىمداردان باستادىق. ءجۇزۋ باستالاتىن كۇنى ۆيتالي بارىنە دە دايىن بولدى. سول سەبەپتى, وسىنداي جەتىستىككە جەتىپ وتىر. ونىڭ بۇل كورسەتكىشىمەن ماقتانامىن, كەلەسى جىلى وليمپيادا ويىندارىندا جانكۇيەرلەردى قۋانتامىز دەپ سەنەمىن", دەيدى سپورتشىنىڭ باپكەرى.
ايتا كەتەلىك, ۆيتالي حۋدياكوۆ اقتوبە وبلىسىنىڭ اتىنان سىنعا تۇسەدى. حالىقارالىق دارەجەدەگى سپورت شەبەرى. ول ءتورت رەت ازيا چەمپيوناتىندا توپ جارعان (2013, 2017, 2018, 2019). سونداي-اق, 2014 جانە 2016 جىلدارى ۆيتالي حۋدياكوى جاعاجاي ويىندارىندا جەڭىسكە جەتكەن. الەم چەمپيوناتىنداعى ەڭ ۇزدىك ناتيجەسى – جەتىنشى جانە توعىزىنشى ورىن. 2016 جىلى ريو وليمپياداسىندا باق سىنادى. قازىرگى ءساتتى حۋدياكوۆتىڭ قورجىنىندا توكيو وليمپياداسىنىڭ جولداماسى بار.
