قالاۋلىلار قامقورلىعى

قازاقستان رەسپۋبليكاسى پار­لامەنتى ءماجىلىسىنىڭ دەپۋتاتى نۇرتاي سابيليانوۆتىڭ ۇيىم­داستىرۋىمەن ارىپتەستەرى ەربولات ءاپسالياموۆ, الەكساندر ميليۋتين جانە سۆەتلانا فەرحو شىعىس قازاقستان وبلىسىنىڭ تارباعاتاي اۋدانىنداعى سۋ تاسقىنىنان زارداپ شەككەن جانتىكەي, كوكجىرا, اقسۋات اۋىلدارىندا بولدى. كەزدەسۋلەر بارىسىندا تۇرعىن­دار تاراپىنان وقۋشىلاردىڭ 4-توقساندا وقۋ ۇدەرىسىن جالعاستىرۋ ماسەلەسىن شەشۋ, مەكتەپ تۇلەكتەرىن ۇلتتىق بىرىڭعاي تەستىگە دايىنداۋ ماسەلەلەرى تالقىلاندى. كەزدەسۋلەر بارىسىندا سۋ تاس­قىنىنان زارداپ شەككەن اۋىل تۇرعىندارى مەملەكەت باسشىسىنا, ۇكىمەتكە جانە جەرگىلىكتى اتقارۋشى ورگاندارعا حالىققا جاساپ جاتقان قولداۋلارى, كومەكتەرى ءۇشىن ريزاشىلىقتارىن ءبىلدىردى. دەپۋتاتتار سۋ تاسقىنىنان زارداپ شەككەن ءبىلىم وبەكتىلەرىنە, تۇرعىن ۇيلەرگە بارىپ, ادامداردىڭ ۋاقىتشا تۇرىپ جاتقان ورىن­دارىمەن, ۇيىمداستىرىلعان قوعامدىق (تەگىن) تاماقتاندىرۋ اسحاناسىمەن تانىستى. ءماجىلىس دەپۋتاتتارىنا تۇرعىن­دار تاراپىنان: - قيراعان تۇرعىن ۇيلەردىڭ ور­نى­نان جاڭا ءۇي سالۋ نەمەسە بۇزىل­عان ۇيلەردى جوندەۋ; - مال الۋعا قارجىلىق قولداۋ جاساۋ نەمەسە نەسيە بەرۋ; - زارداپ شەككەن تۇرعىندار­دىڭ ماسەلەلەرىن نەسيەلەرى بار بانكتەر ارقىلى قاراستىرۋ; - مەكتەپتەر سالۋ مەن ينفرا­قۇرىلىمدى قالپىنا كەلتىرۋ; - اتا-انالارى سۋ تاسقىنىنان زارداپ شەككەن, ارنايى ورتا, جوعا­رى وقۋ ورىندارىندا اقىلى ءبولىم­دە وقىپ جۇرگەن ستۋدەنتتەرگە مەم­لەكەتتىك گرانت بەرۋ; - مەكتەپ بىتىرۋشىلەردىڭ ۇلت­تىق بىرىڭعاي تەست تاپسىرۋى; - توتەنشە جاعدايدىڭ سالدا-رىن جويۋ ءۇشىن ارنايى تەحنيكا ءبولۋ ماسەلەلەرى كوتەرىلدى. پارلامەنتشىلەردىڭ اتالعان ماسەلەلەردى ۋاقىتىندا كوتەرگەنىنە وراي, ستۋدەنتتەردىڭ جوعارى وقۋ ورىندارىندا جانە كوللەدجدەردە وقۋىنا قاتىستى ماسەلەلەر ۋاقىت­شا ءىس-شارالار اياسىندا شەشىلەتىن بولادى: 2010 جىلعى 1 قىركۇيەككە دەيىنگى وقۋ گرانتتىق نەگىزدە جانە وبلىستىق بيۋدجەتتەن بولىنەتىن مەملەكەتتىك تاپسىرىس بويىنشا جۇرگىزىلەدى. ۇلتتىق بىرىڭعاي تەست كەشەندى تەستىلەۋ وتكىزۋ مەرزىمىندە (2010 جىلعى شىلدە) جۇرگىزىلەتىن بولادى, بۇل ورايدا ۇبت اتتەستات الۋعا قو­رىتىندى اتتەستاتسيالاۋ مارتەبەسىن جانە جوعارى وقۋ ورنىنا نەمەسە كوللەدجگە ءتۇسۋ كونكۋرسىنا قاتىسۋ قۇقىعىن ساقتايدى. 300 بالا كەستەگە سايكەس “بال­داۋ­رەن” رەسپۋبليكالىق ساۋىقتىرۋ ورتالىعىنا جىبەرىلەدى. بيىل رەسپۋبليكالىق بيۋدجەت قاراجاتى ەسەبىنەن قاراعاندى-اياگوز-تارباعاتاي-بوعاس-اقسۋات باعىتىنداعى رەسپۋبليكالىق ماڭى­زى بار اۆتوجولدىڭ قىزىلكەسىك اۋىلىنداعى كوپىرى قايتا سالىنادى. جانتىكەي اۋىلىندا – ساتباەۆ اتىنداعى ورتا مەكتەپ, كوكجىرا اۋىلىندا – اۋەزوۆ اتىنداعى ورتا مەكتەپ, كوكتۇبەك اۋىلىندا كوكتۇبەك ورتا مەكتەپ­تەرى قىسقا مەرزىمدە قايتا سالىناتىن بولادى. 4 دەنساۋلىق ساقتاۋ وبەكتىسى قايتا سالىنادى. ولار: جانتىكەي, كوكجىرا, ارحات, قاراتوعاي اۋىلدا­رىنداعى اۋىلدىق دارىگەرلىك امبۋلاتوريالار. ءماجىلىس دەپۋتاتتارى شىعىس قازاقستان وبلىسىنىڭ اكىمى بەردىبەك ساپارباەۆپەن كەزدەستى. كەزدەسۋدە وبلىس اكىمى قۇرىلىس جۇمىستارىن جۇرگىزۋگە ءبىرىنشى كەزەكتە جەرگىلىكتى قۇرىلىس ۇيىمدارىن تارتۋ, 4 مىڭنان استام ادامدى جۇمىلدىرۋ جوسپاردا بار ەكەنىن مالىمدەدى. مەردىگەرلىك ۇيىمداردىڭ جۇ­مى­سىنا قويىلاتىن تالاپتاردىڭ ءبىرى – جۇمىسقا جەرگىلىكتى تۇرعىن­داردى تارتىپ, وبلىس اۆتوجول­دارىنىڭ ءۇزىلىسسىز جانە تۇراقتى جۇمىسى ءۇشىن قاجەتتى تەحنيكانىڭ مينيمالدى مولشەرى اسا قاجەت ەكەنى ايتىلدى. ناقتىلانعان مالىمەتتەرگە سايكەس وبلىستا ەۆاكۋاتسيالانعان 7406 ادامنىڭ 6007-ءى ءوز ۇيلەرىنە قايتا ورالعان. * * * ءماجىلىس دەپۋتاتتارىمەن بىرگە ءبىلىم جانە عىلىم ۆيتسە-ءمينيسترى م.سارىبەكوۆ جانە ۇلتتىق تەستىلەۋ ورتالىعىنىڭ ديرەكتورى ي.ساعىن­دىقوۆتار بولىپ, تۇرعىندار سۇراعىنا جاۋاپ بەردى. ساۋلە دوسجانوۆا, جۋرناليست.