"سىرقاتىنىڭ كۇردەلىگىنە بايلانىستى ناۋقاستار كۇندىزگى ستاتسيوناردا ەمدەلە الادى. ولارعا تەگىن ءدارى-دارمەك بەرىلەدى. سونداي-اق, اۋرۋحانالارعا جاتىپ ەمدەلۋ دە قاراستىرىلىپ وتىر. بۇل ءۇشىن ۋچاسكەلىك دارىگەر ناۋقاستى پورتالعا ەنگىزىپ قويادى. پورتالدى كۇتۋ كەزەڭى اۋرۋحاناداعى ناۋقاستار سانىنا بايلانىستى ءبىر اپتاعا سوزىلۋى مۇمكىن", - دەيدى ءاسيا نارىمباەۆا.
ونىڭ ءمالىم ەتۋىنشە, جوسپارلى ەم قابىلدايتىن ناۋقاستار مىندەتتى تۇردە كوروناۆيرۋس ينفەكتسياسىنا اناليز تاپسىرۋى ءتيىس. ال, اناليز قورىتىندىسىنىڭ جارامدىلىق مەرزىمى 5 كۇنگە عانا سوزىلادى. قازىر №1 اتىراۋ قالالىق ەمحاناسىنىڭ كۇندىزگى ستاتسيونار بولىمشەسىندە 12 ورىن جاساقتالىپتى. سونىمەن بىرگە, مۇندا 20 ورىندىق پروۆيزورلىق ستاتسيونار دا بار.
