ەستەرىڭىزدە بولسا, 2020 جىلدىڭ 23 ناۋرىز كۇنى وڭتۇستىك كورەيادا جۇرگەن 28 جاستاعى قازاقستاندىق الياكبار يۋلداشەۆ ورتەنىپ جاتقان عيماراتتان ادامداردى قۇتقارۋ ءۇشىن ءوز ءومىرىن قاتەرگە تىككەن بولاتىن.
وتقا ورانعان جاتاقحانا تۇرعىندارىن ۇيقىسىنان وياتىپ, بولمە تەرەزەلەرىن اشۋ ءۇشىن جانتالاسا جۇگىرگەن ونىڭ دەنەسىن كۇيىك شالعان. سوعان قاراماستان ول 10 ادامدى اجالدان امان الىپ قالدى.
مىنە, سول ەرلىگى ءۇشىن وتانداسىمىز ماراپاتتالىپ وتىر. كارىستەر اراسىندا «الي» دەگەن اتپەن تانىمال بولىپ كەتكەن جەرلەسىمىزگە تيەسىلى ناگرادانى كانۆوندو پروۆينتسياسىنداعى يانيان وكرۋگىنىڭ وكىلى كيم تسزين-حا تابىستادى.
سول وقيعادان كەيىن الياكباردىڭ شەت ەلدە زاڭسىز جۇمىس ىستەپ جۇرگەنى انىقتالىپ, جەر اۋدارىلۋعا شاق قالدى. دەگەنمەن جانكەشتى ارەكەتىنە سۇيسىنگەن كوپشىلىك ارنايى پەتيتسيا جازىپ, ونىڭ ەلدە قالۋىنا ىقپال ەتكەن. سونداي-اق وعان وڭتۇستىك كورەيادا ءورت ءسوندىرۋشى بولىپ جۇمىس ىستەۋگە ۇسىنىس تۇسكەن.
