ايماقتار • 03 تامىز، 2020

ءدارىنى قىمباتقا ساتقاندار ۇستالدى

25 رەت كورسەتىلدى

باتىس قازاقستان وبلىىندا دارىلىك زاتتاردى زاڭسىز ساتۋ، باعاسىن ءوسىرۋ فاكتىسى ءالى دە كەزدەسىپ وتىر دەپ حابارلايدى Egemen.kz.

 

قازاقستان رەسپۋبليكاسى قارجى مينيسترلىگى قارجى مونيتورينگى كوميتەتىنىڭ باتىس قازاقستان وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا ءدارى-دارمەكتى جوعارى باعامەن زاڭسىز ساتقان ەكى وقيعانى انىقتاعان.

ونىڭ بىرىندە ورال قالاسىنىڭ تۇرعىنى ءدارى-دارمەكتەردى قازاقستان رەسپۋبليكاسىنىڭ ۋاكىلەتتى ورگانىنىڭ رۇقساتىنسىز ساتقان. ودان جالپى قۇنى 128 000 تەڭگەنى قۇرايتىن «تسەفترياكسون» جانە «لەدوكاين» ءدارى-دارمەكتەرى تابىلىپ، تاركىلەندى.

ەكىنشى وقيعادا ورالداعى ءدارىحانالاردىڭ ءبىرى «ينفليۋتسيد» پرەپاراتىنا بەلگىلەنگەن باعا - 2571 تەڭگە بولعانىنا قاراماستان، قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 15.07.2019 جىلعى بۇيرىعىن بۇزىپ، ءدارىنى 3500 تەڭگەگە ساتقان.

وسى وقيعالار بويىنشا حاتتاما تولتىرىلىپ، جينالعان ماتەريالدار باتىس قازاقستان وبلىستىق تاۋارلار مەن قىزمەتتەردىڭ ساپاسىن باقىلاۋ جانە باقىلاۋ بولىمىنە جىبەرىلدى. كىنالىلەر اكىمشىلىك جاۋاپكەرشىلىككە تارتىلاتىن بولادى.

 

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار