مىڭنان تۇلپارلار قاتارىندا اتالدى

وتاندىق جوعارى ءبىلىم بەرۋ سالاسىن سىنامايتىن ادام جوق. اسىرەسە, سارى باسىلىمدار ونىڭ كەمىستىك جاعىن كوپ ايتادى. بىراق وسى سالاداعى ءبىزدىڭ قول جەتكەن جەتىستىگىمىز از ەمەس. جۋىردا, حالىقارالىق “تايمس كەيز ەديۋكەيشن” اگەنتتىگى الەمدەگى 500 ۇزدىك ۋنيۆەرسيتەتتى اتادى. بۇل ناتيجەگە اگەنتتىك ەكى جىل بويى الەمنىڭ 15 مىڭنان ارتىق ۋنيۆەر­سيتەتتەرىن زەرتتەپ, ساراپشى­لاردىڭ, جۇمىس بەرۋ­شىلەردىڭ پىكىرلەرى مەن ۇسىنىس­تارىن سارالاپ, سالماقتاعاننان كەيىن قول جەتكىزگەن.  ارينە, 15 مىڭنىڭ ىشىنەن ۇزدىك دەپ تانىلعان 500-ءدىڭ قاتارىنا ىلىگۋ دە وڭاي ەمەس, دەگەنمەن, ورتالىق ازياداعى پوستكەڭەستىك رەسپۋب­ليكالار ۋنيۆەرسيتەتتەرىنىڭ اراسىنان ونىڭ قاتارىنا ءبىزدىڭ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى كىرىپتى. وسىنىڭ ءوزى وتاندىق ءبىلىم بەرۋ جۇيەسىنىڭ باسقالاردان كەم ەمەس ەكەندىگىن كورسەتپەي مە؟ بۇل جاڭالىققا ءوز باسىم قاتتى قۋاندىم. شىنىمدى ايتسام, مەن بۇل فاكتىگە العاشىندا سەنە قوي­ماي, ۋنيۆەرسيتەت باسشىلىعىنا حابارلاسىپ, ونىڭ انىق-قانى­عىن قوسىمشا انىقتادىم. سويتسە... ۇزدىكتەر قاتارىنا تمد-دان بەس-اق ۋنيۆەرسيتەت ىلىككەن ەكەن. ماسكەۋ مەن سانكت-پەتەربۋرگتىڭ ەجەلگى ۋنيۆەرسيتەتتەرىنەن باسقا ونىڭ قاتارىنا ءنوۆوسىبىر مەن توم قالالارىنىڭ ۋنيۆەرسيتەتتەرى قوسىلىپتى. بەسىنشىسى – ءبىزدىڭ ۋنيۆەرسيتەت... وسىعان وراي مەن مىنانى ايتقىم كەلەدى, ەگەر ءبىزدىڭ ءبىلىم جانە عىلىم مينيسترلىگى حالىق­ارالىق رەيتينگكە ساي بولاتىن ساراپتار جۇرگىزۋدى وزدەرى قولعا الىپ, وقۋ-ءبىلىم پروتسەسىن قادا­عالاپ وتىرسا, ءبىزدىڭ جوو-لار­دىڭ جەتىستىگى بۇدان دا جوعارى بولار ەدى. ول ءۇشىن, ارينە, قو­سىم­شا قاراجات بولۋگە تۋرا كەلەدى. ال قازىر ءبىزدىڭ جوعارى ءبىلىم سالاسىنا  ءبولىپ وتىرعان قارا­جاتىمىز جوعارى تالاپقا ساي دەپ ايتا المايسىڭ. ماسەلەن, ءبىزدىڭ ەۋرازيا ۇلتتىق ۋنيۆەر­سيتەتىنىڭ جىلدىق بيۋدجەتى سانكت-پەتەر­بۋرگ ۋنيۆەر­سيتە­تىنەن جەتى ەسە از كورىنەدى. مۇن­داي جاعدايدا ۇلكەن ناتيجە تالاپ ەتۋدىڭ ءوزى ارتىق. سونىڭ وزىندە ءبىزدىڭ ءبىلىم بەرۋ سالا­مىز­دىڭ جەتىستىگى الگىندەي بو­لىپ وتىر. ال ەگەر رەيتينگتى كوتە­رۋ باعىتىندا شارالار قاراس­تىرىلىپ, ولار جەتكىلىكتى دارەجەدە قارجىلاندى­رىلسا, جەتىستىك بۇدان دا زور بولا­رى ءسوزسىز. وسىنىڭ ءوزى, سايىپ كەل­گەندە, وتاندىق ءبىلىم سالاسى­نىڭ ساپاسىن ارتتىرار ەدى عوي. امانجان جامالوۆ, ءماجىلىس دەپۋتاتى.