ءوز كەزەگىندە جامبىل اتىنداعى قازاق مەملەكەتتىك فيلارمونياسىنىڭ مەملەكەتتىك اعاشتى-ۇرمەلى اسپاپتار كۆينتەتى بۇل تاپسىرمانى ءساتتى ورىنداعان. دەگەنمەن وسى جەردە اتالعان كۆينتەتتىڭ فينالعا وتۋىنە جاقىن جەرلەستەرى ەمەس, شەتەلدىك كورەرمەندەر كوبىرەك ات سالىسقانىن ايتا كەتۋىمىز كەرەك. قازىلار القاسى ءبىراۋىزدان جانات ەرمانوۆ جەتەكشىلىك ەتەتىن ءبىزدىڭ كۆينتەتتى ەڭ ۇزدىك دەپ تانىعان.
«كونكۋرسقا الەمنىڭ تۇكپىر-تۇكپىرىنەن ونەرپازدار قاتىستى. مامىر ايىندا باستالعان بايقاۋ ءۇش اي بويى ءوتتى. ءبىزدىڭ توپ قازىلاردىڭ نازارىنا جاك يبەر, كلود دەبيۋسسي, الەكساندر تسەملينسكيلەردىڭ كۇردەلى شىعارمالارىن ۇسىندى», دەيدى ج.ەرمانوۆ.
جالپى بۇل ونەرپازدارىمىز جوعارىداعى ماراپاتقا ءبىر كۇندە جەتە سالماپتى. ولار وسىعان دەيىن دە كوپتەگەن ءداستۇرلى بايقاۋدىڭ لاۋرەاتتارى اتانىپ كەلگەن. 2016 جىلى كۆينتەت BELBRAND AWARD حالىقارالىق مۋزىكالىق سىيلىعىنىڭ لاۋرەاتى اتانىپتى, ول – 19 ەلدىڭ 165 ۇمىتكەرىنىڭ اراسىندا وتكەن ەستافەتالىق جارىستاعى ۇلكەن جەڭىستىڭ ءبىرى بولعان.
يتاليا تورىندە جەڭىس تۋى جەلبىرەگەن كۆينتەتتىڭ قۇرامىندا حالىقارالىق, رەسپۋبليكالىق بايقاۋلاردىڭ لاۋرەاتتارى – سۇلۋشاش ەلۋباەۆا (فلەيتا), قۇرالاي مالىمباەۆا (گوبوي), جانات ەرمانوۆ (كلارنەت), سانجار قادىربەكوۆ (ۆالتورنا), تالعات ساپابەكوۆ (فاگوت) بار.
بايقاۋ جەڭىمپازدارىن ماراپاتتايتىن گالا-كونتسەرت كەلەسى جىلى پەزارودا وتەدى دەپ كۇتىلۋدە.
