قوعام • 31 شىلدە، 2020

اتىراۋ وبلىسىنا 47 قانداس كوشىپ كەلدى

5404 رەت كورسەتىلدى

بيىل مۇنايلى ءوڭىر توپىراعىنا اتاجۇرتقا جەتۋدى اڭساعان 35 وتباسىنىڭ  47 مۇشەسى تابان تىرەدى، دەپ حابارلايدى Egemen.kz

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى سەرىك قاميدوللانىڭ ايتۋىنشا،   قانداستاردىڭ  باسىم بولىگى بۇرىن وزبەكستان رەسپۋبليكاسىندا تۇرىپتى. وسى ەلدەن 35 ادامى بار 25 وتباسى ورالدى. قىتايدان 8 جانۇيا قۇرامىندا  10 ادام، ال، ۋكراينادان  2 وتباسىنىڭ 2 ادامى اتاجۇرتىن ساعىنا جەتىپتى.

"ەلگە كەلگەن قانداستاردىڭ "ورالمان مارتەبەسىن بەرۋ تۋرالى" وتىنىشتەرى "ازاماتتارعا ارنالعان ۇكىمەت" مەملەكەتتىك كورپوراتسياسى" كەاق اتىراۋ وبلىسى بويىنشا فيليالىنىڭ "حالىققا قىزمەت كورسەتۋ" ورتالىعى ارقىلى ءتۇستى. ولاردىڭ قۇجاتتارى قارالىپ، ورالمان مارتەبەسىن بەرۋ تۋرالى شەشىم قابىلداندى. قازىر قانداستاردىڭ ءبارى وبلىستاعى قالا مەن  اۋداندارعا ورنالاستى"، دەدى سەرىك قاميدوللا.

 

سوڭعى جاڭالىقتار

ۇقساس جاڭالىقتار