ونىڭ ايتۋىنشا, 2020 جىلدىڭ قاڭتار-ماۋسىم ايلارى ارالىعىنداعى قور مەن كومپانيالار توبىنىڭ وپەراتسيالىق كىرىسى 215 ملرد تەڭگەنى قۇرادى. ال بۇل جوسپارداعى مەجەدەن 79 ملرد تەڭگەگە كوپ.
«سامۇرىق-قازىنا» ۇلتتىق ءال-اۋقات قورى» اق كومپانيا توبىنىڭ 2020 جىلدىڭ ءى جارتىجىلدىعىنداعى تازا كىرىسى 212 ملرد تەڭگە بولىپ وتىر. نەگىزگى جوسپار بويىنشا 150 ملرد تەڭگە كولەمىندە شىعىن كۇتىلگەن. 2020 جىلدىڭ سوڭىنا دەيىن كومپانيانىڭ تازا كىرىسى جوسپاردا 167 ملرد تەڭگە دەپ كورسەتىلگەنىنە قاراماستان, كىرىس 421 ملرد تەڭگە دەڭگەيىندە بولادى دەپ كۇتىلۋدە.
ەرنار ءجانادىلدىڭ سوزىنە قاراعاندا, نارىقتاعى داعدارىستىق تەندەنتسيالار توپتىڭ قارجىلىق ناتيجەلەرىنە ايتارلىقتاي اسەر ەتكەن. دەگەنمەن قوردىڭ پورتفەلدى كومپانيالارى Covid-19 پاندەمياسى سالدارىنان جاڭارتىلعان جوسپارلى كورسەتكىشتى ورىنداپ جاتىر جانە قارجىلىق تۇراقتىلىقتى ساقتاۋ بويىنشا ءىس-شارالاردى جالعاستىرىپ جاتىر.
«2019 جىلدىڭ قورىتىندىسى بويىنشا قور 206 ملرد تەڭگە كولەمىندە تازا پايدا الدى. ديۆيدەندتەردى تولەۋشى رەتىندە قور بارلىق كىرىستى مەملەكەتكە جىبەرەدى. 2019 جىلى كاپ اكتسيالارىنان قوسىمشا ورنالاستىرۋدان تۇسكەن 49 ملرد تەڭگەنى ۇلتتىق قورعا باعىتتادى. سونىمەن قاتار 2019 جىلدىڭ قورىتىندىسى بويىنشا قور ۇكىمەتكە 120 ملرد تەڭگە كولەمىندە ديۆيدەندتەر جىبەرەدى. قوردىڭ جالعىز اكتسيونەرى ۇكىمەتتىڭ تاپسىرماسىنا سايكەس قالعان قاراجات تۇركىستان جانە نۇر-سۇلتان قالالارىنداعى الەۋمەتتىك نىسانداردى قارجىلاندىرۋعا جۇمسالادى», دەيدى ەرنار ءجانادىل.
ونلاين-بريفينگ بارىسىندا قور پورتفەلدىك كومپانيالاردىڭ قارجى رەسۋرستارىن باسقارۋ ماسەلەسىندەگى ءتاسىلدى قايتا قاراپ, نارىقتاعى جاعدايعا بايلانىستى شىعىستاردى قىسقارتقانى ءماىم بولدى.
«سىرتقى ورتاداعى ۇلكەن وزگەرىستەردى ەسكەرە وتىرىپ, كومپانيانىڭ جاڭارتىلعان دامۋ جوسپارىنا سايكەس توپ شىعىنداردى 429 ملرد تەڭگەگە قىسقارتتى. توپتىڭ كومپانيالارى وندىرىستەگى شىعىندار مەن كومپانيالاردىڭ ستراتەگيالىق ماقساتتارىن ەسكەرە وتىرىپ, شىعىنداردى وڭتايلاندىرۋ بويىنشا شارالار قابىلدادى», دەدى ەرنار ءجانادىل.
2020 جىلدىڭ 6 ايىندا قور توبى بويىنشا دەبيتورلىق بەرەشەك 60 ملرد تەڭگەگە تومەندەپ, 661 ملرد تەڭگەنى قۇرادى.
ەرنار ءجانادىل وڭ قارجىلىق كورسەتكىشتەر مۇنايدىڭ ورتاشا باعاسىنىڭ وسۋىنە, تەڭگەنىڭ دوللارعا قاتىستى باعامىنىڭ نىعايۋىنا, سونداي-اق كومپانيالار توبى قىزمەتىنىڭ ناتيجەلەرىنە بايلانىستى ەكەنىن جەتكىزدى.
ءبىرىنشى جارتىجىلدىقتا ماكروەكونوميكالىق احۋالدىڭ ناشارلاۋىنا قاراماستان, قوردىڭ جالپى بورىشى 3,9%-عا ازداپ ۇلعايعان. بۇل رەتتە توپتىڭ سىرتقى بورىشى جىل باسىنداعى كورسەتكىشپەن سالىستىرعاندا تومەندەدى. ەرنار ءجانادىل جالپى قارىزدىڭ 8,8 ترلن تەڭگەدەن 9,2 ترلن تەڭگەگە دەيىن ۇلعايۋىن تەڭگەنىڭ السىرەۋىمەن بايلانىستى-
رادى.
ءسوز سوڭىندا ەرنار ءجانادىل توپتىڭ قارجىلىق تۇراقتىلىعىن نىعايتۋ جونىندەگى ءىس-شارالاردىڭ جالعاساتىنىن حابارلادى.
