ءمينيستردىڭ ايتۋىنشا, كاسىپكەرلىكتى قولداۋ جانە دامىتۋ ءۇشىن بيزنەس-كليماتتى جاقسارتاتىن بىرقاتار شارالار قابىلداندى. بۇل سالىقتىق ىنتالاندىرۋ, تەكسەرۋلەردى قىسقارتۋ جانە نەسيەلەۋدى كەڭەيتۋ جانە باسقالارى.
– ەكونوميكالىق ءوسىمدى قالپىنا كەلتىرۋ ءۇشىن جىل سوڭىنا دەيىن كەشەندى جوسپار مەن بيزنەستى قولداۋعا باعىتتالعان قوسىمشا شارالار قابىلداندى. ارنايى مەملەكەتتىك كوميسسيا جۇمىس ىستەۋدە. بيىل پارلامەنت بيزنەس-كليماتتى جاقسارتۋ جونىندەگى زاڭنامالىق رەفورمالاردىڭ 8 پاكەتىن قابىلدادى. ورتا مەرزىمدى پەرسپەكتيۆادا كاسىپكەرلىك قىزمەتتى دامىتۋدا «جاڭا كۇن ءتارتىبى» ازىرلەنەتىن بولادى. شاعىن جانە ورتا بيزنەستى ودان ءارى دامىتۋ باعىتى قازاقستاننىڭ 2025 جىلعا دەيىنگى جاڭا ستراتەگيالىق جوسپارىندا كوزدەلەدى, – دەدى ر.دالەنوۆ.
ونىڭ ايتۋىنشا, قۇرىلىس سالاسىندا «5-10-20» قاناتقاقتى جەڭىلدەتىلگەن كرەديت بەرۋ جوباسىن ىسكە قوسۋ جوسپارلانۋدا. سونداي-اق ەكونوميكانىڭ ءارتۇرلى سالالارىندا 1 قازانعا دەيىن ەڭبەكاقى تولەۋ قورىنا سالىناتىن سالىقتار, الەۋمەتتىك تولەمدەر جانە م ۇلىك سالىعى بويىنشا نولدىك مولشەرلەمە بەلگىلەندى.
كاسىپكەرلەردىڭ قۇقىقتارىن قورعاۋ ءۇشىن كاسىپكەرلەردىڭ «ادالدىق» پرەزۋمپتسياسى قولدانىسقا ەندى. بۇل زاڭناماداعى ءارتۇرلى تۇسىنىكتەردى ادال كاسىپكەرلەردىڭ پايداسىنا قولدانۋعا مۇمكىندىك بەرەدى. «بيزنەستىڭ جول كارتاسى-2025» جانە «قاراپايىم زاتتار ەكونوميكاسى» باعدارلامالارى بويىنشا كاسىپكەرلەر ءۇشىن قارىز قاراجاتىنىڭ سوڭعى قۇنى قازىر 6%-دى قۇرايدى. سونىمەن قاتار ۇلتتىق بانك شاعىن جانە ورتا بيزنەسكە, ونىڭ ىشىندە جەكە كاسىپكەرلەرگە سالالىق شەكتەۋسىز جەڭىلدەتىلگەن نەسيە بەرۋ باعدارلاماسىن ىسكە قوستى. كرەديتتەر اينالىم قاراجاتتى تولىقتىرۋعا 1 جىلعا 8%-بەن بەرىلەدى. بۇل باعدارلاماعا 600 ملرد تەڭگە بولىنەدى.
– كەپىلدىك بەرۋ قۇرالى جاقسارتىلدى. «بيزنەستىڭ جول كارتاسى-2025» باعدارلاماسى بويىنشا كەپىلدىكتەر قارىز سوماسىنىڭ 85%-ىن قۇراۋى مۇمكىن. «قاراپايىم زاتتار ەكونوميكاسى» بويىنشا كەپىلدىك نەسيە سوماسىنىڭ 50%-ىنا تەڭ. اۋىل شارۋاشىلىعى ماقساتىنداعى جەرلەرگە جىل سوڭىنا دەيىن جەر سالىعىنىڭ مولشەرلەمەسى نولگە ءتۇستى. سونداي-اق اسىل تۇقىمدى مال شارۋاشىلىعى سالاسىندا يمپورتتاۋ كەزىندە قوسىلعان قۇن سالىعىن ەسەپكە الۋ ادىسىمەن تولەۋ مۇمكىندىگى بەرىلدى. قازانعا دەيىن الەۋمەتتىك ماڭىزى بار ازىق-ت ۇلىك تاۋارلارى ءۇشىن قوسىمشا قۇن سالىعىنىڭ مولشەرلەمەسى 12%-دان 8%-عا دەيىن تومەندەتىلدى. ەلىمىزدىڭ بارلىق وڭىرلەرىندەگى بيزنەس وكىلدەرىنەن وزەكتى ماسەلەلەر بويىنشا كەلىپ تۇسكەن ۇسىنىستار جۇيەلەنۋدە, – دەدى سپيكەر.
ءباسپاسوز ءماسليحاتى بارىسىندا جىل سوڭىنا دەيىن بيزنەستىڭ بارلىق ساناتتاعى سۋبەكتىلەرى ءۇشىن جاڭا جوسپارلى سالىقتىق تەكسەرۋلەر جۇرگىزىلمەيتىنى ايتىلدى. بارلىق شارالار بويىنشا جاۋاپتى مەملەكەتتىك ورگاندار مەن ۇيىمدار انىقتالىپ, ءتيىستى جۇمىستار اتقارىلۋدا.
