ەكونوميكا • 29 شىلدە، 2020

"قازاقالتىن" جۇمىسشىلارىنا جارتى ميلليارد تەڭگە بولەدى

4 رەت كورسەتىلدى

"قازاقالتىن" كومپانياسى مەن ونىڭ ەنشىلەس كاسىپورىندارىنىڭ قىزمەتكەرلەرى بىرجولعى ماتەريالدىق كومەك الادى. كونتسەرن باسشىلىعى ۇزاق ۋاقىتقا سوزىلعان COVID-19 پاندەمياسىنا بايلانىستى شتاتتاعى جۇمىسشىلارعا 100 مىڭ تەڭگەدەن ءبولۋ تۋرالى شەشىم قابىلدادى، - دەپ حابارلايدى Egemen.kz

"قازاقالتىن تمك" اق كوروناۆيرۋس پاندەمياسىكەزىندە بيزنەستىڭ الەۋمەتتىك جاۋاپكەرشىلىگىنە قاتىستى ەل باسشىلىعىنىڭ باستاماسىن قولدادى. وسى قيىن-قىستاۋ كەزەڭدە وتاندىق كاسىپورىنداردىڭ جۇمىسشىلارىنا ماتەريالدىق قولداۋ كورسەتۋ قاجەتتىلىگىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ اتاپ وتكەن بولاتىن.

بىرجولعى تولەم "قازاقالتىن" كونتسەرنىنىڭ قۇرامىنا كىرەتىن كاسىپورىنداردىڭ 5 412 جۇمىسشىسىنا تيەسىلى. بۇل ماقساتقا كومپانيا باسشىلىعى شامامەن 550 ميلليون تەڭگە ءبولدى. قازاقستان رەسپۋبليكاسىنىڭ زاڭناماسىنا سايكەس، مۇنداي ماتەريالدىق كومەككە سالىق ءسالىنۋى تيىس، سوندىقتان قىزمەتكەرلەر بيۋدجەتكە مىندەتتى تولەمدەردى شەگەرىپ تاستاپ، اقشا الادى. قارجىلاي كومەككاسىپورىنداردىڭ باسشىلىق قۇرامىنا جانە كەلىسىم-شارت بويىنشا جۇمىس ىستەيتىن قىزمەتكەرلەرگە تاعايىندالمايدى.

كومپانيانىڭ بۇل باستاماسى COVID-19 پاندەمياسىكەزىندە جۇمىسشىلار ۇجىمىن الەۋمەتتىك تۇرعىدا قولداۋعا باعىتتالعان ءىس-شارالاردىڭ جالعاسى بولىپ تابىلادى. ەلدەتوتەنشە جاعداي جاريالانعان كەزدە "قازاقالتىن" ءوز قىزمەتكەرلەرى مەن ولاردىڭ وتباسىلارىن، سونداي-اق كومپانيانىڭ وندىرىستىك بازالارى بار اقسۋ، بەستوبە جانە جولىمبەت اۋىلدارىنىڭ تۇرعىندارىن مەديتسينالىق ماسكالارمەن جانە انتيسەپتيكالىق زاتتارمەن قامتاماسىز ەتتى. بۇل باعىتتاعى جۇمىس جالعاسادى.

سوڭعى جاڭالىقتار

ۇقساس جاڭالىقتار