ال اقتوبەلىكتەر مينيسترلىككە ءوڭىردىڭ ەكولوگيالىق پروبلەمالارىن شەشۋ جوسپارىن قۇرۋعا كومەكتەسەدى.
"اقتوبە وبلىسى جۇرتشىلىعى وڭىردەگى ەكولوگيالىق احۋال تۋرالى الەۋمەتتىك جەلىدە بىرقاتار ماسەلەلەر كوتەرۋدە. بۇگىن ەكو-بەلسەندىلەرمەن, جۇرتشىلىقپەن وسى سەبەپپەن ونلاين-كەزدەسۋ وتكىزدىك. قاتىسۋشىلار اتموسفەرالىق اۋانى مونيتورينگىلەۋ, لاستاۋشى كوزدەر تۋرالى تولعاندىرعان ماسەلەلەردى, سونداي-اق پروبلەمالاردى شەشۋدەگى ءوز كوزقاراستارىن ءبىلدىردى", - دەپ جازدى مينيستر.
"كەزدەسۋ قورىتىندىسىندا ەكو-بەلسەندىلەرمەن بىرگە جاقىن ارالىقتا ەميسسيالاردى قىسقارتۋ, جاسىل بەلدەۋدى دامىتۋ, ءوندىرىس قالدىقتارىن باسقارۋ شارالارىن قاراستىراتىن وبلىستىڭ ەكولوگيالىق پروبلەمالارىن كەشەندى شەشۋدىڭ جول كارتاسىن جاساپ, بەكىتۋ كەلىسىلدى", - دەپ حابارلادى م.مىرزاعاليەۆ.
بۇل شارالاردىڭ بارلىعى كەيىننەن وڭىردەگى اكىمدىكپەن بىرگە ىسكە اسىرىلادى, دەپ ناقتىلادى ول.
سونداي-اق ەكولوگيا ءمينيسترى "وسى جۇمىستارعا ءۇن قوسقان بارلىق اقتوبەلىكتەرگە العىس بىلدىرەمىن. بارلىعىمىز بىرگە ايتارلىقتاي ناتيجەگە قول جەتكىزە الامىز", - دەپ ريزاشىلىق ءبىلدىردى.
ونىڭ ايتۋىنشا, مينيسترلىك ەلىمىزدىڭ باسقا وڭىرلەرىندە دە وسىنداي كەزدەسۋلەر ۇيىمداستىرۋدى جوسپارلاپ وتىر.
