قازاقستان • 29 شىلدە، 2020

قازاقستاندا جول جوندەيتىن جۇمىسشىلار جەتىسپەيدى

32 رەت كورسەتىلدى

اعىمداعى جىلعى II توقساننىڭ قورىتىندىسى بويىنشا قازاقستاننىڭ ەڭبەك نارىعىندا جول جوندەۋ جۇمىسشىلارىنىڭ تاپشىلىعى بايقالادى - ەلەكتروندىق ەڭبەك بيرجاسىندا جاريالانعان 12 مىڭنان استام بوس جۇمىس ورنىنا 3 مىڭ تۇيىندەمە ورنالاستىرىلعان.  ەڭ كوپ سۇرانىسقا يە بىلىكتى ماماندىقتار "بەستىگىنە" تاس قالاۋشى (1912 بوس ورىن)، بەتونشىلار (1861)، كۇزەتشىلەر (1816) جانە مەدبيكەلەر/ مەيىرگەرلەر (1637) كىردى، - دەپ جازادى Egemen.kz

مۇنداي قورىتىندىعا 2020 جىلدىڭ II توقسانىنداعى "قازاقستانداعى بىلىكتى ەڭبەككە دەگەن ۇسىنىس پەن سۇرانىستى تالداۋ" زەرتتەۋىنىڭ ناتيجەلەرى بويىنشا WDC (قر ەڭبەكميى جانىنداعى ەڭبەك رەسۋرستارىن دامىتۋ ورتالىعى) تالداۋشىلارى كەلدى.

جوعارىدا كورسەتىلگەن كەزەڭدە بىلىكتى جۇمىسكەرلەر ءۇشىن ەەب-دا بارلىعى 163 مىڭ بوس جۇمىس ورنى ورنالاستىرىلدى، ال بىلىكتى ماماندار تۇيىندەمەلەرىنىڭ سانى 106 مىڭدى قۇرادى.

ا.ج. ءىى توقسانىندا بىلىكتى جۇمىسشىلارعا دەگەن قاجەتتىلىك اسىرەسە الماتى قالاسىندا (22،5 مىڭ)، قاراعاندى وبلىسىندا (17،4 مىڭ)، قوستاناي وبلىسىندا (16،4 مىڭ) جانە نۇر-سۇلتان قالاسىندا (16 مىڭ) بايقالدى.

ء"ساۋىر ايىندا اي سايىنعى ديناميكادا جىل باسىنان بەرى بوس جۇمىس ورىندارىنىڭ ەڭ از سانى، ياعني 25 مىڭنان ءسال ارتىق جۇمىس ورنى ورنالاستىرىلعان.  بىراق مامىر ايىندا كارانتين رەجيمىنىڭ بىرتىندەپ السىرەۋى جانە جۇمىسپەن قامتۋ باعدارلاماسىن جۇزەگە اسىرۋ اياسىندا بوس جۇمىس ورىندارىنىڭ سانى 2،8 ەسەگە ءوستى"، – دەدى WDC بولجاۋ دەپارتامەنتىنىڭ ديرەكتورى دميتري شۋمەكوۆ.

ساراپشىلاردىڭ ايتۋىنشا، بىلىكتى ەڭبەككە قاتىستى ورنالاستىرىلعان بوس جۇمىس ورىندارىنىڭ جارتىسىنان كوبى ەكى كاسىبي توپقا: كاسىپقويلار مەن ونەركاسىپ، قۇرىلىس، كولىك جانە باسقا دا ۇقساس سالالاردىڭ جۇمىسشىلارىنا باعىتتالعان.

بۇل رەتتە وڭىرلەر بولىنىسىندە II توقساندا اقمولا وبلىسىندا عانا جول جوندەۋ جۇمىسشىلارى سۇرانىسقا يە كاسىپتەردىڭ كوشىن باستاعان جوق، وندا اۋىل شارۋاشىلىعىنىڭ ينجەنەر-مەحانيزاتورلارى، تيەۋ-ءتۇسىرۋ جۇمىستارىنداعى كەشەندى بريگادانىڭ مەحانيزاتورلارى، تراكتورشىلار تاپشى.

"مەنىڭ ويىمشا، جول جوندەۋ جۇمىسشىلارىنا دەگەن سۇرانىستىڭ ارتۋى "ەڭبەك" مەملەكەتتىك باعدارلاماسى مەن جۇمىسپەن قامتۋ جول كارتاسى اياسىندا جوندەۋ جۇمىستارىنىڭ ماۋسىمدىق جانداندىرىلۋىنا جانە جاڭا بوس جۇمىس ورىندارىن قۇرۋعا بايلانىستى"، – دەپ ءتۇسىندىردى دميتري شۋمەكوۆ.

سونىمەن قاتار، وڭىرگە بايلانىستى باسقا دا سۇرانىسقا يە ماماندىقتاردى دا اتاپ وتۋگە بولادى. ماسەلەن، باتىس قازاقستان وبلىسىندا 1،5 مىڭعا جۋىق مەكتەپ كومەكشىسى، اقتوبە وبلىسىندا – 380 ورتا مەكتەپ مۇعالىمى، جامبىل وبلىسىندا – 305 قۇرىلىسشى-تەحنيك قاجەت. اتىراۋ وبلىسىندا ستاتيستيكالىق باقىلاۋ جۇرگىزۋ بويىنشا ينتەرۆيۋەرلەر ەڭ كوپ سۇرانىسقا يە بولىپ تابىلادى، ولاردىڭ جەتىسپەۋشىلىگى شامامەن 250 بىرلىكتى قۇرادى، ال تۇركىستان وبلىسىندا كەڭسەلىك تەحنيكاعا قىزمەت كورسەتۋ بويىنشا 160 جۇمىسشىعا تاپشىلىق بايقالادى.

ەستەرىڭىزگە سالا كەتەيىك، قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەككە قابىلەتتى حالىقتى جۇمىسپەن قامتۋعا جاردەمدەسۋ بويىنشا باعدارلامالاردى جۇزەگە اسىرۋدا. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان "ەڭبەك" مەملەكەتتىك باعدارلاماسى اياسىندا 2020 جىلدىڭ ءى جارتىجىلدىعىندا 217،6 مىڭ ادام جۇمىسقا ورنالاستىرىلدى، ونىڭ 102،6 مىڭى – تۇراقتى جۇمىسقا ورنالاستىرىلدى. ال 2020-2021 جىلدارعا ارنالعان جۇمىسپەن قامتۋ جول كارتاسى اياسىندا 148 مىڭنان استام جۇمىس ورنى اشىلدى.

سوڭعى جاڭالىقتار

ۇقساس جاڭالىقتار