مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ پرەزيدەنتى جانىنداعى مۇناي-گاز كەڭەسىنىڭ وتىرىسىن وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە مۇناي-گاز سالاسىن ودان ءارى دامىتۋدىڭ, ونى جاڭعىرتۋ مەن ءارتاراپتاندىرۋدىڭ وزەكتى ماسەلەلەرى قارالدى.
نۇرسۇلتان نازارباەۆ ەنشىلەس كومپانيالار اراسىندا فۋنكتسيالاردىڭ قايتالانۋىن جويىپ, كورپوراتيۆتىك باسقارۋدىڭ حالىقارالىق ستاندارتتارىنا سايكەستەندىرۋ ماقساتىندا «قازمۇنايگاز» ۇك» اق-تىڭ ۇيىمداستىرۋشىلىق قۇرىلىمىن جەتىلدىرۋ قاجەتتىگىن اتاپ ءوتتى.
مەملەكەت باسشىسى مۇناي ونىمدەرىنىڭ ىشكى نارىعىن رەتكە كەلتىرۋگە جانە مۇناي وڭدەۋ سالاسىن دامىتۋدىڭ ناقتى پەرسپەكتيۆاسىن انىقتاۋدىڭ ماڭىزدىلىعىنا نازار اۋداردى.
سونداي-اق, كەزدەسۋ بارىسىندا سولتۇستىك كاسپي جوباسىن ودان ءارى ىسكە اسىرۋ جايى جانە «تەڭىزشەۆرويل» جشس قىزمەتىمەن بىرگە مۇناي-گاز سەكتورىنىڭ وزگە دە وزەكتى ماسەلەلەرى قارالدى.
وتىرىس قورىتىندىسىندا مەملەكەت باسشىسى قارالعان ماسەلەلەر بويىنشا ناقتى تاپسىرمالار بەردى.
